Charter Document - 02060150

Hugo miseratione divina episcopus Eduensis frater Odo abbas totusque conventus Sancte Margarete ordinis Sancti Augustini Eduensis dyocesis universis presentibus et futuris salutem in Domino sempiternam Noveritis quod nos pensata et considerata evidenti utilitate ecclesiarum nostrarum habito diligenti et sollempni tractatu jus patronatus quod nos memoratus episcopus habemus in ecclesia de Balenou prope Poilleyum salva censa que nostro Eduensi capitulo annuatim debetur ad hoc discretorum virorum decani et capituli ecclesie nostre Eduensis communi accedente consensu et nos abbas et conventus predicti jus patronatus quod habemus in ecclesia de Montelye salva pensione XL solidorum Viennensium et duarum librarum cere pro anniversario Aalidis condam ducisse Burgundie nobis annuatim debita ad invicem permutamus promittentes bona fide nos episcopos abbas et conventus predicti pro nobis et nostris successoribus nos contra dictam permutationem in posterum non venturos sed eam ratam et firmam in perpetuum habituros In quorum omnium testimonium et munimentum nos episcopus abbas et conventus predicti sigilla nostra presentibus litteris duximus apponenda Datum anno Domini MCC nonagesimo primo mense januario