Charter Document - 02140813

Cunctorum conditori ac cuncta regenti omnium devote servire jugiterque cupientibus christicolis ad superna venire gaudia anhelantibus talis intentio ac devotio esse debet ut bona sibi a Domino collata ac ad dispensandum non ad possidendum credita larga manu ac caritativa dispensare studeant quatinus illud a Domino audire mereantur Euge bone serve et fidelis in futuro Quapropter ego Gonterius et uxor mea Aldeardis nostrorum cogitantes molem peccaminum ac judi[ti]i timentes futuri examen perpendentesque justorum premia et impiorum tormenta Dei timore ducti stultum esse putavimus si bona nobis celitus comissa absque Dei opere vel obsequio frustra consummere mus Ideoque affectantes piissimam Dei nobis misericordiam placare volentis omnes homines salvare donamus sacrosancte ecclesie Cluniensi in Dei honore et beatorum apostolorum Petri et Pauli dicate tam pro anime senioris nostri Achini quam animarum nostrarum remedio et pro sepulture nostre loco aliquid de proprio jure hoc est curtilum cum omni supraposito una cum vinea sibi adherente in pago Matisconensi in agro Petriacensi in eadem villa que dicitur Petreio etiam et quicquid senior noster Achinus nobis per scripturarum testamentum donavit ad integrum vobis concedimus in ipso pago et in agro Donziacense in ipsa eadem villa Donziaco vinea que terminatur de uno latere terra Guihardi ex alio latere et ex uno fronte cimiterio vicinali de quarta vero parte rivo currente Infra has terminationes ad integrum vobis donamus eo videlicet pacto dum ego Gonterius et Aldealdis vixerimus usum nobis et fructum inde habere liceat post discessum vero nostrum ad predictum revertatur locum et deinceps ejusdem loci rectores quod illis placuerit de his faciant Si quis vero forte aliquis calumpniator quod tamen minime unquam evenire coniceo de heredibus aut coheredibus nostris contra hanc elemosinam a nobis ultroneam actam insurgere ausu temerario presumpserit non vendicet quod repetit sed a consortio christianorum segregatus gladioque beati Petri percussus secundum legem mundanam IIII auri libras cui injuriam fecerit juditiaria potestate cogente reddere cogatur et nostra donatio rata semper immobilisque permaneat Actum apud Lordonum castrum S Gonterii S Eldeardis qui donationem hanc fecerunt et firmari rogaverunt S Maimberti S Leotgisi S Ivonis S Bernardi S Rotberti S Teotberti S Bertranni Ego Deodatus scripsi dictavi die sabbati mense julio anno XVI regnante Ludowico rege