Charter Document - 02150967
Charter Number: 02150967
Cartulary Title: Recueil des Chartes de l'Abbaye de Cluny
Charter Language: Latin
Charter Origin: Lay
Charter Type(s): Grant
Date: 0954 - 0994
Date Type: Assigned
Resource Link(s): CCE: cartae cluniacenses electronicae
View Map
Cartulary Title: Recueil des Chartes de l'Abbaye de Cluny
Charter Language: Latin
Charter Origin: Lay
Charter Type(s): Grant
Date: 0954 - 0994
Date Type: Assigned
Resource Link(s): CCE: cartae cluniacenses electronicae
View Map
Charter:
Domino Deo et sanctis ejus apostolis Petro et Paulo et domno Maiolo abbati venerabili de Cluniaco [] fratribus futuris vel presentibus Ego Anna et filius meus Maynbertus pio amore et bona voluntate donamus aliquas res nostras que sunt site in pago Matisconense in agro Prisciaco ubi ad Volofonum vocant hoc est unus mansus et unus curtilus et una vinea et unum pratum que in uno tenentur terminanturque de uno latere via publica de alio aqua Margarita currente de una fronte terra Bernardi de alia terra Josceranni Donamus etiam predicto loco et senioribus alium curtilum et alium mansum et aliam vineam que in uno tenentur in loco ubi super Chalboum vocant terminanturque de uno latere via publica de alio latere et de una fronte terra Sancti Petri a cirtio terra Gislebergie Sed de vinea hic nominata medietatem donamus tantummodo Donamus item unum curtilum et mansum et vineam que in uno tenentur in loco ubi in Marchisoyt vocant horum itaque medietatem Donamus et alias res nostras quascunque in predictis locis vel terminis usque hodie habuimus videlicet curtilos edificia vinee vercherie campi prata silve pomeria pascue aque aquarumque decursus omnia super omnia quesita et ad inquirenda Omnia hec cum omni integritate donamus ad locum Cluniacum in elemosinam pro anima Mainbodi et pro animabus nostris tali tenore ut quandiu vixerimus usum fructuarium ex his habeamus et post nostrum obitum ad casam Dei et sanctorum apostolorum Petri et Pauli hoc est ad Cluniacum omnimodo deveniant Sic etiam donamus et campum in loco ubi in Monte Betono vocant Donamus et unam tiliam de terra in Loperoso ubi Achediis vocant Donamus et alium campum ubi ad Vernum Fronbergie vocant quem adquisivit Mainbaldus et ego Anna de Archinaldo Omnia hec prescripto tenore donamus ad locum Cluniacum ita ut a rectoribus ejusdem loci in pace habeantur et possideantur in perpetuum