utl logo
UTL Home | Ethiopia Images | Central and Inner Asia Studies

Charter Document - 02173360

Charter Number: 02173360
Cartulary Title: Recueil des Chartes de l'Abbaye de Cluny
Charter Language: Latin
Charter Origin: Lay
Charter Type(s): Grant
Date: 1060
Date Type: Assigned
Resource Link(s): CCE: cartae cluniacenses electronicae
map View Map
Charter:
In nomine Verbi pro nobis incarnati Notum sit omnibus tam presentibus quam futuris quod ego Aremburgis dono ad locum Cluniacum quod est constructum in honore beatorum apostolorum Petri et Pauli in quo preest domnus abba Hugo aliquid de mea hereditate que est sita in episcopatu Cabilonense hoc est in villa Cerciaca unum mansum ad Caminadas vocatum cum omni illa terra que ad ipsum mansum pertinet pro remedio anime mee ac patris et matris mee Bernardi et Gertrudis atque senioris mei Rotberti et filii mei Bernardi defuncti atque pro salute filiorum meorum Dalmatii et Bertranni Dono etiam condaminam unam in Vernedo dictam et aliam ad Craiam vocatam Concedo etiam in silva juxta Cerciacam sine ulla redemptione cursum ad centum porcos Dono etiam medietatem montis Cerciacensis ad supradictum locum Cluniacum tali conventu ut habitatores ipsius loci ibidem ecclesiam construant et salvamentum faciant Et postquam hec omnia constructa fuerint volo per omnia habere medietatem quandiu vixero in eadem ecclesia et in eodem salvamento Post mortem vero meam volo ut cum omni integritate absque contradictione ullius hominis ad supradictum pertineat locum Simili etiam modo dono offerendas et decimas atque baptisterium omnem medietatem ad ipsam pertinentem ecclesiam Set in vita mea medietatem volo tenere post discessum meum ad locum Cluniacum et senioribus ibidem degentibus absque ullius contradictione perveniat Hec autem carta facta est regnante Heinrico rege Francorum S Aremburgis qui fecit hoc donum et firmare rogavit S Dalmati[i] et Bertranni filiorum ejus S Gundoini presbiteri S Ale S Gisleberti S Hildini Si quis hanc cartam calumpniari ausus fuerit iram Dei omnipotentis incurrat si ad emendationem non venerit
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter