Charter Document - 02183680
Charter Number: 02183680
Cartulary Title: Recueil des Chartes de l'Abbaye de Cluny
Charter Language: Latin
Charter Origin: Religious
Charter Type(s): Grant
Date: 1094
Date Type: Internal, A.D.
Resource Link(s): CCE: cartae cluniacenses electronicae
View Map
Cartulary Title: Recueil des Chartes de l'Abbaye de Cluny
Charter Language: Latin
Charter Origin: Religious
Charter Type(s): Grant
Date: 1094
Date Type: Internal, A.D.
Resource Link(s): CCE: cartae cluniacenses electronicae
View Map
Charter:
In nomine sancte et individue Trinitatis Patris et Filii et Spiritus Sancti Noverint omnes sancte Dei ecclesie filii presentes scilicet et futuri quod ego Hugo Dei gratia Lugdunensis archiepiscopus dono Deo et sancto Petro et reverentissimo in Christo patri nostri domno Hugoni Cluniacensis ecclesie abbati et successoribus ejus fratribusque sub eorum ducatu Deo militantibus ecclesiam Sancti Desiderii sitam in Brixia sub annuali censu trium solidorum retentis paratis et sinodo secundum antiquum morem aliarum ecclesiarum episcopatus nostri et capellam de Reorterio cum ecclesia Sancti Pauli infra castri ipsius munitionem sita cum appenditiis ejus sub annuali censu quinque solidorum cujus medietas solvetur in festivitate sancti Martini medietas vero in Purificatione sancte Marie Hec itaque salva subjectione sancte Lugdunensis ecclesie do ecclesie Cluniacensi per manum dilectissimi in Christo fratris nostri Seguini ipsius domni abbatis camerarii jure perpetuo possidenda pro remedio anime mee et ut fratres ecclesie Cluniacensis Deum deprecentur pro excessibus meis et pro statu ecclesie Lugdunensis necnon et pro salute omnium canonicorum et consanguineorum nostrorum Facta est autem donatio hec Lugduni in presentia Gerini capellani nostri et Hugonis nepotis nostri et Godonis archipresbiteri canonicorum et Gyrardi archipresbiteri Ut autem hec donatio firma permaneat sigillo proprio subterfirmavi Actum Lugduni anno ab incarnatione Domini nostri Jesu Christi millesimo nonagesimo quarto indictione secunda concurrente VI Ego Hugo Divionensis ecclesie monachus vice cancellarii scripsi et subscripsi
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
