Charter Document - 02194871

Universis presentes litteras inspecturis frater Gilo humilis prior de Rumiliaco salutem in Domino Universitati vestre notum facio quod ego tactis sacrosanctis evangeliis sic me Deus adjuvet et ejus sancta evangelia juro et promitto quod fidelis et obediens et devotus ero domino Guillermo Dei gratia abbati Cluniacensi et successoribus ejus et ecclesie Cluniacensi et quod bona immobilia prioratus Rumiliaci vel pertinenciarum suarum ubicumque positarum non vendam non donabo non infeodabo non impignorabo non alienabo et mutuum non contraham ultra summam viginti librarum absque domini abbatis Cluniacensis licentia et speciali mandato quod expresse in ipsius patentibus litteris continebitur et non permutabo vel accensabo aliquid de bonis predictis in prejudicium et damnum predicti prioratus et pertinenciarum suarum sed omnia bona ejus in bono statu pro posse meo servabo et defendam bona fide et nihil faciam ad damnum dicti prioratus vel pertinenciarum suarum me sciente et pro posse meo fieri non permittam Hec omnia supradicta et singula promitto tactis sacrosanctis evangeliis me firmiter observare et tenere et contra non venire Sic me Deus adjuvet et ejus sancta evangelia Datum apud Lugdunum dominica in passione Domini anno Domini MCCXL quinto