Charter Document - 02195141
Charter Number: 02195141
Cartulary Title: Recueil des Chartes de l'Abbaye de Cluny
Charter Language: French
Charter Origin: Lay
Charter Type(s): Confirmation
Date: 1268
Date Type: Internal, A.D.
Resource Link(s): CCE: cartae cluniacenses electronicae
View Map
Cartulary Title: Recueil des Chartes de l'Abbaye de Cluny
Charter Language: French
Charter Origin: Lay
Charter Type(s): Confirmation
Date: 1268
Date Type: Internal, A.D.
Resource Link(s): CCE: cartae cluniacenses electronicae
View Map
Charter:
Nos Hugues dux de Borgoigne faisons asavoir à touz ceaus qui verront ces presantes leitres que en nostre presance por ce establiz Girarz de Manlé escuyers requenoit et dit par devant nos que il ha vandu et quité au prior de Meyvre et à l'eglise de celui lieu une soye meyson assise sus la porte dou chastiau de Manlé dedanz les foussez qui toiche à la mayson Veicear d'une part et d'austre part de lez la mayson au Torneor por quarante livres de Vienois la quele mayson estoit et movoit de nostre fié ansinc cumme cil Girarz dit La quele vandue devant dite nos lohuns et otreons au prior et à l'eglise de Mevre et quitons et otreons au prior de Meyvre et à l'eglise dou dit leu le fié que nos havions an la mayson devant dite En tesmoing de la quel chouse nos havons pousé nostre seal en ces presentes leitres Ce fu doné en l'an de grace MCC et LXVIII ou moys d'aoust