Charter Document - 02195310

Nos frater Yvo miseratione divina Cluniacensis ecclesie minister humilis notum facimus universis presentes litteras inspecturis quod cum controversia et causa quondam verteretur [] [usque ad] remisit pro quingentis et quinquaginta libris Viennensium prout in litteris super dicta pace confectis sigillis Petri Dei gratia episcopi Matisconensis et domini regis in ballivia Matisconensi una cum sigillis predicti Lodovici domini Bellijoci et Helienor uxoris ejus sigillatis continetur et predicti homines ad ecclesiam nostram Cluniacensem mediate vel immediate pertinentes siti et existentes inter Ligerim et Sagonam in baronia Bellijoci et extra considerantes et atten[den]tes utilitatem suam et commodum ecclesie Cluniacensis de mandato nostro speciali supradictas quingentas et quinquaginta libras Viennensium solverint predicto domino Bellijoci vel ejus mandato in pecunia numerata nos predictus Yvo abbas Cluniacensis volumus quod ipsi homines propter istam solutionem non teneantur amodo solvere nobis vel mandato nostro seu prioribus et decanis nostris vel altero pro ipsis talliam vel aliquam aliam novam exactionem nisi ea que hactenus solvere consueverunt volentes et precipientes quod priores et decani nostri seu gentis nostre eosdem homines et eorum successores ad bonos usus et consuetudines patrie teneant quantum ad ecclesiam Cluniacensem pertinet et illud tantummodo levent et capiant ab eis quod levare et percipere hactenus consueverunt promittentes bona fide pro nobis et successoribus nostris contra predicta per nos vel per alium non venire nec contravenire volenti consentire In cujus rei testimonium sigillum nostrum litteris presentibus duximus apponendum Datum anno Domini MCC octogesimo tertio mense januarii