utl logo
UTL Home | Ethiopia Images | Central and Inner Asia Studies

Charter Document - 02220431

Charter Number: 02220431
Cartulary Title: Cartulaire de Hugues de Chalon (1220-1319)
Charter Language: Latin
Charter Origin: Royal
Charter Type(s): Decree
Date: 1293
Date Type: Internal, A.D., Regnal
Resource Link(s): Patrimoine numérisé de Besançon - MS Droz 22 - Tome 2 (p.6)
map View Map
Charter:
Adolphus Dei gracia Romanorum rex semper augustus universis presentes visuris graciam suam et omne bonum Cum a nostra celsitudine justum petitur et honestum gratulamur admittere que petuntur maxime cum talium virorum exaudiri precamina nos delectet de quibus imperii gloria decoratur et felix suscipit incrementum Ad hoc habito respectu noverint universi quod prout a viris valentibus didicimus nobilis vir Guillermus major civitatis Bisuntine dedit et contulit voluntate spontanea in feodum nobili viro Humberto domino de Claravalle in montana Bisuntine dyocesis majoriam Bisuntinam seu villicatum cum omnibus pertinenciis jurisdictionibus ac universis appendiciis ipsius majorie dictam majoriam non diminuens sed potius meliorans ab ipso Guillermo tenendam habendam possidendam suo nomine titulo feodali ipse vero dictus Humbertus ex libera voluntate dictam majoriam cum omnibus appendiciis pertinenciis jurisdictionibus ac juribus universis dedit contulit et tribuit nobili viro Johanni de Cabilone domino de Allato habendam tenendam possidendam titulo feodali pro se et suis heredibus ita quod dictus Humbertus dictam majoriam tenebat in feodo a dicto Guillermo et dictus Johannes de Cabilone tenebat in feodo a dicto Humberto predicti ambo nobiles Guillermus et Humbertus de Claravalle coram nostra celsitudine suam presenciam exhibentes nostre majestati coram nostris proceribus humiliter supplicarunt ut dictam donacionem dicte majorie Bisuntine factam a nobili Guillermo in dictum Humbertum et a dicto Humberto in spectabilem virum Johannem de Cabilone confirmaremus ratificaremus [et] approbaremus de clemencia nostre regie majestatis Nos eorum devotis precibus inclinati predictam donacionem in quantum dictis viris Guillermo et Humberto competit dictam collacionem seu donacionem approbamus ratificamus et auctoritate nostra et imperii confirmamus In quorum testimonium hanc litteram conscribi et nostri sigilli munimine fecimus roborari Datum Haggenberg anno Domini MCCLXXXX tercio indictione sexta regni vero nostri anno secundo
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter