Charter Document - 02330024
Charter Number: 02330024
Cartulary Title: Nouvelle Histoire de l'Abbaye Royale et Collégiale de Saint-Filibert et de la Ville de Tournus
Charter Language: Latin
Charter Origin: Royal
Charter Type(s): Grant
Date: 0879
Date Type: Internal, Regnal
Resource Link(s): Archives de Saône-et-Loire - H 177 - 4 (p.1) TELMA - Traitement électronique des manuscrits et des archives
View Map
Cartulary Title: Nouvelle Histoire de l'Abbaye Royale et Collégiale de Saint-Filibert et de la Ville de Tournus
Charter Language: Latin
Charter Origin: Royal
Charter Type(s): Grant
Date: 0879
Date Type: Internal, Regnal
Resource Link(s): Archives de Saône-et-Loire - H 177 - 4 (p.1) TELMA - Traitement électronique des manuscrits et des archives
View Map
Charter:
In nomine sancte et individue Trinitatis Boso ipsius misericordia Rex Sancte recordationis effectum ad memoriam reducentes pio incitamento veraciter duximus dignum foro quatenus Ecclesie Dei sublimitatem in omnibus augmentari pro posse videlicet nostro desiderantes peragamus Quam rem ad perfectum deducere optantes divino fulti amore ut de terrenis mereamur eterna libenti animo talia statuere decrevimus Qua de re omnium fidelium nostrorum comperiat notitia quod propria voluntate pro mercede Karoli Augusti et nostre remedio anime seu et Auguste conjugis nostre in honore Domini et Salvatoris nostri Jesu Christi Sancteque Marie Sancto Filiberto qui ob infestationem paganorum castro Trenorchio deductus est ubi vir venerabilis Abba Geilo cum plurima monachorum turba preesse dinoscitur Concedimus in Comitatu Genevensi cellam que vocatur Talgeria que etiam dicata est in honore Sancte Marie et curtem Caldatis curtem etiam Marlandis curtemque Verilico ac curtem Tudesio et villam Ariaco indominicatum [] villamque vocatam [] Hec omnia cum omnibus integritatibus cum Ecclesiis ibidem aspicientibus servisque utriusque sexus cum exitibus et regressibus atque campis pratis cultis et incultis aquis aquarumque decursibus ab hodierna die et deinceps prefato Sancto Filiberto monachisque Deo ibidem militantibus concedimus perpetualiter permanendum Et ut hec libens concessio majoris valeat obtinere firmitatem rigoris manu propria roborare curavimus et anuli nostri impressione insigniri jussimus Signum Bosonis gloriosissimi Regis Stephanus notarius ad vicem Radulfi recognovi Data VI Iduum Indictione XII Anno primo regni Bosonis gloriosissimi Regis Actum Lugduno civitate in Dei nomine feliciter amen