Charter Document - 02330068

Calixtus Episcopus servus servorum Dei dilecto in Christo filio Franconi Trenorciensi Abbati ejusque successoribus regulariter promovendis in perpetuum Justis votis assensum prebere justisque petitionibus aures accommodare non convenit qui licet indigni justitie precones in excelsa Apostolorum Petri et Pauli specula positi Domino disponente conspicimur Idcirco petitionibus tuis clementius annuentes Trenorciensi cenobio cui Deo auctore presides ad exemplar predecessoris nostri sancte memorie Paschalis Pape presidium Apostolice protectionis impendimus et loca illa que vel antecessorum tuorum vel tue strenuitatis industria aut rationabiliter adquisivit aut legitime recuperavit vel antiquorum Principum seu Episcoporum liberalitate eidem cenobio concessa sunt presentis decreti pagina vobis vestrisque successoribus confirmamus In episcopatu videlicet Claromontensi monasterium S Porciani cum Ecclesiis de Besson de Quintiniaco de Polines de Celsiaco de Travallio de Fellinia de Monte aureo de Sustris de Charel de Liriniaco de Martiliaco de Monfanc de Boiaco de Barbariaco de Vernei de Villena de Lupiaco de Paredo de Brialis de Varinnas de Voroz de S Lupo Ecclesias de Besiaco de Nuilliaco de Capelz de Branciaco de Floriaco cum capella de Cavarocca Ecclesiam de Salviliis de Libiaco Ecclesiam S Nicolai et Ecclesiam de Vernolio In Cabillonensi Pristiacum Aguliacum Ecclesiam de Baldreas Ecclesiam Sancti Andree Lambras Manciacum Ecclesiam de villa Ginniaco de Ver Ecclesiam Sancti Martini de Griviliaco de Cusiriaco In Lugdunensi Ecclesiam Sancti Andree de Balgiaco Vasliacum Briennam Juvenciacum Ecclesiam Sancti Jacobi de Grassiaco Sancti Benigni Ecclesiam de Cabrosio Ecclesiam de Cavannis Bisiacum Ecclesiam Sancte Marie de Soliniaco S Martini de Butella Ecclesiam S Andree que vulgo vocatur Pannos Ecclesiam de Monte Raculfo Ecclesiam de Sasiriaco Ecclesiam de Peroniaco Capellam de Castro Corgenon Ecclesiam S Lidii que vulgo vocatur Olive Lovincum Silviniacum In Matisconensi Ulchisitiacum Villare Plotas Belniacum Ecclesiam de Li Donziacum cellam S Romani S Mauricii S Symphoriani S Marie de Capella Reverias S Petri de Romaniscas Ecclesiam de Aziaco de Fisiaco S Juliani de Lonciaco S Vitalis de Lenna In Bituricensi Ecclesiam de Saciaco In Augustudunensi Ecclesiam de Pariniaco cum cappella Ecclesiam de Petraficta cum cappella S Justi In Namnetensi monasterium S Philiberti Ecclesiam S Vitalis de Raas Ecclesiam de Machicol S Martini de Paciaco Sancti Liminii Ecclesiam de Limoziveria S Columbani Ecclesias de Corcoiaco Ecclesias de Mores mansiones de Legiaco de Tolvei Ecclesias de Monasteriis In Pictavensi Herum insulam Ecclesias de Bello videre cum cimiterio cellam Sancte Marie Lauduni Ecclesiam S Nicolai S Petri Ecclesias de Basilicis Sancte Crucis Ecclesias de Berniziaco de Aziaco Maciacum Taziacum Ecclesiam de Madernas Ecclesias de Bernazai de Monte S Leodegarii de Estivalibus In Turonensi Pontiacum Verniolum Corcoriacum In Andegavensi cellam Cunaldi cum appendiciis Ecclesias de Doadi castri Sancti Dionysii S Petri S Johannis S Leodegarii Ecclesiam S Laurentii Villam Landrum Terenciacum Ecclesias de Varinas Sancte Matie de Tanays cum cappella In Genevensi Ecclesiam de Perois In Aniciensi monasterium Sancti Philiberti Ecclesiam S Petri de Salitas S Felicis de Laudons S Marie Pratalias S Martini Cocornensis Cappellam S Philiberti S Cyrici S Mauricii Amblavensis S Vincentii Cappellam in castro Syroi Sancte Marie de Basac Cappellam de castro Rocos S Juliani Caspiniaci Cappellam de castro Mercolio Ecclesiam S Quintini In Diensi Ecclesiam de castro Grainan S Vincentii S Romani Ecclesiam de Torrites In Tricastrinensi Ecclesiam de Valle Nimphis S Martini S Marie S Petri S Romani Cappellam S Michaelis de Gaba Ecclesiam de Eleemosyna Sancte Marie de Grainan In Aurasicensi Ecclesiam de Dosera Sancte Marie S Benedicti S Christophori S Saturnini In Vasionensi Ecclesiam Sancti Germani S Petri de Falco Sancte Marie de Purpureas In Viennensi cellam Sancte Agnetis de Mota S Martini de Aziaco cum cimiterio S Verani de Rivas Ecclesiam de Fai S Johannis de castro Miron Ecclesiam de Villanova Cappellam S Michaelis de Albon Ecclesiam S Saturnini cum parochia cellam S Philiberti de Minniaco Ecclesiam S Romani S Andree Ecclesiam S Ferreoli In Episcopatu Bisuntino S Cornelii S Desiderii Ecclesiam de Arzon Quecumque preterea in futurum largiente Deo juste poteritis adipisci firma vobis vestrisque successoribus et illibata permaneant Decernimus ergo ut nulli omnino hominum liceat idem cenobium temere perturbare aut ejus possessiones auferre vel ablatas retinere minuere vel temerariis vexationibus fatigare sed omnia integra conserventur eorum pro quorum sustentatione et gubernatione concessa sunt usibus omnimodis profutura Ad hec adjicimus un idem locus in quo beati Valeriani Martyris et sancti Philiberti Confessoris corpora requiescunt ab omni jugo secularis potestatis liber in perpetuum conservetur Nec Episcopo liceat cujuscumque diocesis eumdem locum excommunicationis vel absolutionis vel cujuslibet dispositionis occasionibus perturbare aut cruces seu quaslibet exactiones novas burgo et ceteris monasterii possessionibus irrogare Missas quoque in eodem monasterio publicas celebrari vel stationem ab Episcopo preter Abbatis et fratrum voluntatem fieri prohibemus Cetera etiam que per reverende memorie Johannis et predicti Domini Paschalis II Pontificum privilegium Trenorciensi monasterio confirmata sunt confirmemus Preterea pro reverentia beate Marie semper Virginis cujus nomine locus vester insignis est in Annunciatione Domini Salvatoris nostri hymnum angelicum inter Missarum sollemnia Abbati vel fratribus pronunciare concedimus Obeunte te nunc ejusdem loci Abbate et tuorum quolibet successorum nullus ibi qualibet surreptionis astutia seu violentia preponatur nisi quem fratres communi consensu vel fratrum pars consilii sanioris secundum Dei timorem et beati Benedicti regulam elegerint ab Apostolice Sedis Episcopo vel ejus Legato propter difficultatem itineris consecrandum Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit secundo tertiove commonita si non satisfactione congrua emendaverit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo Corpore ac Sanguine Dei et Domini Redemptoris nostri Jesu Christi aliena fiat atque in extremo examine districte ultioni subjaceat Cunctis autem eidem loco justa servantibus sit pax Domini nostri Jesu Christi quatenus et hic fructum bone actionis recipiant et apud districtum Judicem premia eterne pacis inveniant Amen amen amen In symbolo Firmamentum est Dominus timentibus eum Ego Calixtus Catholice Ecclesie Episcopus subscripsi Datum apud Celsinlaniam per manum Grisogoni sancte Romane Ecclesie Diaconi Cardinalis ac Bibliothecarii VI Idus Maii Indictione XII Dominice Incarnationis anno MCXX Pontificatus autem Domni Calixti secundi Pape anno primo