Charter Document - 02340031

In nomine sancte et individue trinitatis Karolus gratia Dei rex Si liberalitatis nostre munere locis Deo dicatis quiddam conferimus beneficii et necessitates ecclesiasticas ad petitiones Deo fideliter famulantium nostro relevamus juvamine atque regali tuemur munimine id nobis et ad mortalem vitam temporaliter transigendam et ad eternam feliciter obtinendam profuturum liquido credimus Noverit interea sagacitas seu utilitas omnium fidelium sancte Dei ecclesie nostrorumque presentium scilicet et futurorum quia vir venerabilis Heriboldus Autissiodorensis ecclesie episcopus obtulit obtutibus nostris quendam privilegii conscriptionem in qua continebatur insertum qualiter quasdam res ejusdem sue sedis ad supplementum vestimentorum canonicorum inibi Deo militantium deputasset ac confirmasset hoc est Conditam villam super fluvium Ligerim sitam mansa scilicet quatdraginta et omnibus absit usibus ac vineis inibi pertinentibus et cum illo quem Teotbertus usu fructuario habere cognoscitur et cum alio Samson beneficiato et tertio manuale per manu firmam concesso et in reliquo cetera mansa mox ut decessus eorum evenerit quibus beneficiata esse noscuntur et cellulam Sancti Remegii similiter que Wadimirus olim in beneficio habuit et vineam curticam que vulgo Pictura apellatur ex villa Pulvereni et planta novellam prope basilicam Sancti Eusebii et medietatem viridiarii in villa Tociaco in plagam meridianam humiliter petens ut super hanc conscriptionem nostram super adderemus auctoritatem quatenus absque alicujus occasionis diminutione integerrime nostris futurisque temporibus in usus vestimentorum predictorum canonicorum permanerent Cujus suggestioni ac rationabilem petitionem libenter annuere placuit et quicquid ut predictum est postulavit ad effectum perducere curavimus Proinde hos nostre auctoritatis apices erga predictam sedem canonicosque inibi Domino per diuturna tempora militantes divino inspirati amore fieri jussimus per quos decernimus atque sancimus ut loca supra nominata cum omnibus ad se juste et legaliter pertinentibus sicut a sepe dicto Heriboldo jam dicte sedis episcopo eis conlata sunt ita per hanc nostram auctoritatem in eorum jure ac potestate absque alicujus deminoratione aut retractione permaneant et nullus successorum rectorum videlicet memorate ecclesie ab eorum dominatione ea quoquo modo auferre aut in aliam quamlibet partem transferre presumat quatenus sublata omni indigentia vestimentorum pro nobis conjuge proleque nostra et pace ac stabilitate totius regni a Deo nobis commissi alacrius eos indesinenter Domini misericordiam exorare delectet Et ut hec nostre confirmationis auctoritas pleniorem in Dei nomine semper obtineat firmitatem de anulo nostro subter eam jussimus sigillare Signum Karoli gloriosissimi regis Jonas diaconus ad vicem Hludovici recognovit et subscripsit Data XVII kalendas februarii anno X indictione XII regnante Karolo gloriosissimo rege Actum Bittoricas civitate in Dei nomine feliciter Amen