Charter Document - 02340032
Charter Number: 02340032
Cartulary Title: Cartulaire général de l'Yonne
Charter Language: Latin
Charter Origin: Religious
Charter Type(s): Confirmation
Date: 0852
Date Type: Assigned
Resource Link(s): TELMA - Traitement électronique des manuscrits et des archives
View Map
Cartulary Title: Cartulaire général de l'Yonne
Charter Language: Latin
Charter Origin: Religious
Charter Type(s): Confirmation
Date: 0852
Date Type: Assigned
Resource Link(s): TELMA - Traitement électronique des manuscrits et des archives
View Map
Charter:
Dominis sanctis et reverendissimis fratribus et coepiscopis religiosissimis quoque et venerabilibus abbatibus in ditione regni domini Karoli serenissimi regis Wenilo minimus servorum Christi famulus sancte Senonice ecclesie archiepiscopus Optime venerabilis et Deo devota sanctitas vestra novit quanta sit cura et sollicitudine commissum nobis pastorale regimen tuendum atque tractandum [] Idcirco una cum concilio fratrum nostrorum canonicorum videlicet et monachorum necnon et fidelium laicorum visum est nobis propter opportunitatem loci et monachorum ibidem Deo degentium prefatam cellam ad locum qui dicitur Valliculas transmutare et a fundamentis edificare quem Hrotlaus quondam nobilissima ob amorem Dei et remedium anime viri sui Meginerii sive pro seipsa suorumque liberorum ac parentum ad predictam cellulam beati Remigii ex antiquitate memorati episcopii nostri per donationis titulum delegavit vel tradidit ea videlicet ratione ut divinus ibidem demum ageretur cultus et illis pro quorum salute traditum fuerat augeretur merces [] Quod opus Deo dicatum ut per tempora labentia omnibus sanctissimis patribus et fratribus in Dei nomine consentientibus firmiorem obtineat rectitudinis statum et intactum permaneat manu nostre parvitatis subter relegenda firmavimus Et ut rata deinceps manere possint que scripta sunt manibus vestre sanctitatis roboranda expostulamus Wenilo sancte Senonice sedis munere divino archiepiscopus hoc privilegium fieri jussi et subscripsi Hucbertus sancte Meldensis ecclesie indignus episcopus hoc privilegium subscripsi Adalbertus Tricassis episcopus subscripsi Helias Carnotensis ecclesie indignus episcopus subscripsi Ruricus Rothomagensis vocatus archiepiscopus subscripsi Jursmarus Turonorum archiepiscopus subscripsi Freculfus Lexoviensis ecclesie episcopus subscripsi Saxbodus Sagiensis episcopus subscripsi Simeon Laudunensis episcopus subscripsi Baltfridus Bajocensis ecclesie episcopus subscripsi Raginarius Ambianensis episcopus subscripsi Altheus preveniente gratia Dei Augustodunensis episcopus relegi et subscripsi Ermenfredus abba subscripsi Abbo abba subscripsi Lupus Cathalaunensis episcopus subscripsi
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
