Charter Document - 02350040
Charter Number: 02350040
Cartulary Title: Cartulaire général de l'Yonne
Charter Language: Latin
Charter Origin: Royal
Charter Type(s): Decree
Date: 1112
Date Type: Internal, A.D.
View Map
Cartulary Title: Cartulaire général de l'Yonne
Charter Language: Latin
Charter Origin: Royal
Charter Type(s): Decree
Date: 1112
Date Type: Internal, A.D.
View Map
Charter:
In nomine domini Dei et Salvatoris nostri Jhesu Christi Hludovicus rex Francorum omnibus principibus et fidelibus regni mei utriusque sexus et ordinis Pia postulatio voluntatis effectu debet prosequente compleri quatinus et devotionis sinceritas laudabiliter enitescat et utilitas postulata vires indubitanter assumat unde ego pulsatus precibus Arnaldi abbatis cenobii Sancti Petri Vivi quod olim temporibus magni regis Chlodovei ad orientalem plagam urbis Senonum a quadam filia ejus nomine Techilda ipsa adjuvante fundatum et rerum suarum muneribus et rebus ditatum per presentis precepti paginam statuo atque confirmo ut quecumque predia quascumque possessiones eadem bone memorie femina idem rex et successores ejus reges Francorum antecessores scilicet mei contulerunt eidem case Dei et quecumque ad ipsum cenobium aliorum fidelium videntur devotionibus pertinere quecumque etiam in futurum poterit adipisci firma sibi illibata permaneant Illud etiam inserere placuit ut quoddam monasterium quod in Arvernico pago est situm quodque idem prefatus rex de possessionibus cujusdem superbissimi ducis Aquitanie nomine Basoli quem rebellantem in montanis cepit et carceratum Senonas multo tempore tenuit tandemque eidem filie sue ut monachum eum faceret in prefato monasterio scilicet Sancti Petri Vivi dedit sub tuitione regum Francorum nostra semper eidem abbatie subjectum absque ullius persone calumpnia vel contradictione permaneat Statuo etiam et confirmo omnia regalia precepta que antecessores mei reges eidem abbatie de qua sermo est fecerunt precipue que illud quod Hludovicus piissimus augustus et rex Jheremie Senonensi archiepiscopo et Frocberto abbati ejusdem cenobii fecit et confirmavit Quicquid preterea immunitatis quicquid libertatis seu donationis a prefatis regibus quicquid a pontificibus quicquid ab utriusque sexus fidelibus et ordinibus idem monasterium hactenus obtinuisse cognoscitur ratum firmumque manere jubeo et confirmo De monasterio autem prefato Mauriacensi scilicet jubeo et confirmo ut sub jure et potestate et ordinatione atque tuitione supradicti abbatis Ar et successorum ejus permaneat et sic eis liceat constituere que agenda sunt sicut in abbatia sua que caput est hujus membri Hanc igitur auctoritatem precepti nostri ut inviolabiliter conservetur anuli nostri impressione et sigillo signari jussimus Actum Senonas in curia nostra anno ab incarnatione Domini MCXII anno quoque consecrationis nostre
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
