utl logo
UTL Home | Ethiopia Images | Central and Inner Asia Studies

Charter Document - 02350309

Charter Number: 02350309
Cartulary Title: Cartulaire général de l'Yonne
Charter Language: Latin
Charter Origin: Lay
Charter Type(s): Confirmation
Date: 1181
Date Type: Internal, A.D.

map View Map
Charter:
In nomine sancte et individue Trinitatis Amen Decurrenti eo tempore ne decurrant que geruntur in tempore litterarum solent indiciis eternari Ea propter noverint universi presentes pariter et futuri quod ego Guillelmus unicus filius Guidonis comitis Nivernensis et Mathildis comitisse amore Dei et remedio anime mee et pro animabus patris et matris mee omniumque antecessorum et successorum meorum dedi in perpetuum et concessi Deo et ecclesie Beate Marie de Crisinone et sanctimonialibus ibidem Deo servientibus IIIIxx brunellos salis apud Autissiodorum Preterea supradicte in futurum concessi ecclesie in nemore meo de Freteio usagium ad unam quadrigam videlicet in nemore mortuo Quod ut ratum et inconcussum imposterum habeatur cum ego Guillelmus adhuc puer sigillum non habebam ad preces et peticiones meas Domina mater mea comitissa Nivernensis hanc mee donationis cartulam sigilli sui impressione fecit communiri Hujus rei testes sunt Dominus Narjotus de Tucy Johannes vicecomes Laniaci Gauterius Berardi Hervinus frater ejus Letericus Balledar Petrus Cheossel Iterus tunc prepositus Malliaci Brunus Coqus Reinaldus Bocherel Reinaudus notarius comitisse et multi alii Actum est hoc anno Verbi incarnati MCLXXXI
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter