utl logo
UTL Home | Ethiopia Images | Central and Inner Asia Studies

Charter Document - 02360368

Charter Number: 02360368
Cartulary Title: Cartulaire général de l'Yonne
Charter Language: Latin
Charter Origin: Lay
Charter Type(s): Confirmation
Date: 1229
Date Type: Internal, A.D.

map View Map
Charter:
Ego Guido comes Nivernensis et Forensis et ego Matildis comitissa uxor ejus omnibus notum facimus tam presentibus quam futuris quod nos convenciones et usagium quos Petrus quondam bone memorie genitor comes Autissiod fecit et concessit Burgensibus Mailliaci Castri super bosco de Fretoy ratas habemus pariter et acceptas quarum tenor talis Ego Petrus comes Autissiodor et Tornod et marchio Namucencis notum facio universis presentibus et futuris quod bona fide promisi et concessi omnibus hominibus de Mailliaco Castro quod nec ego nec uxor mea comitissa nec heres meus aliquid vendemus vel vendi faciemus de bosco de Fretoy nec sustinebimus quod Acelinus de Meriaco vel heres ejus vel mandatum eorum similiter aliquid vendat in dicto bosco Rogavimus eciam dominum Autissiod episcopum ut si hab hiis convencionibus resiliremus nos excommunicaret et terram nostram supponeret interdicto donec esset plenius emendatum Constituimus eciam et concessimus ut homines predicti usum suum habeant in dicto bosco ad tremulum et charmen et aceram et ad omnem boscum mortuum ad calefaciendum ad edificium autem domorum habent usum suum ad boscum vivum ita tamen quod quando voluerint ire in bosco pro bosco ad edificandum prius loquantur super hoc cum preposito meo Constitui etiam et concessi ut dictis hominibus ad aisamenta sua videlicet dolia cupas cistas et omnia alia superlectilia de quocunque nemore sint sive omni occasione vendere liceat Quod ut ratum sit et firmum et inconcussum imposterum habeatur nos Guido Nivernensis et Forensis et ego Matildis uxor ejus convenciones supradictas et usagium sicut in presenti carta continetur approbamus et laudamus et presentem sigillorum nostrorum munimine fecimus roborari Actum anno Gracie MCCXXIX
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter