Charter Document - 02360560
Charter Number: 02360560
Cartulary Title: Cartulaire général de l'Yonne
Charter Language: Latin
Charter Origin: Lay
Charter Type(s): Confirmation
Date: 1256
Date Type: Internal, A.D.
View Map
Cartulary Title: Cartulaire général de l'Yonne
Charter Language: Latin
Charter Origin: Lay
Charter Type(s): Confirmation
Date: 1256
Date Type: Internal, A.D.
View Map
Charter:
Ego Guillelmus de Curtiniaco miles et dominus de Champignoliis notum facio universis presentes litteras inspecturis quod bone memorie dominus Robertus de Curtiniaco quondam pater meus olim dedit et concessit viris religiosis abbati et conventui Fontis Johannis in excambium de portione sua nemoris de Burceio ducenta et quinquaginta arpenta dicti nemoris nemus scilicet et terram pro usuario quod in eodem nemore iidem religiosi habebant possidenda in perpetuum ab ipsis quitta et libera de eo et heredibus suis et omnibus hominibus suis et etiam de omnibus aliis qui in eis ex parte sua possent aliquid reclamare contigua parco suo et haie sicce ex una parte et illi portioni quam habent dicti fratres a nobili muliere Ermensendi de Codretto ex alia parte Item recognosco quod defunctus Philippus quondam frater meus prefatis religiosis olim dedit et concessit in perpetuum undecim arpenta nemoris nemus scilicet et terram junctam predictis ducentis et quinquaginta arpentis Predictas vero donationes et concessiones a prefatis Roberto quondam patre meo et Philippo quondam fratre meo factas religiosis predictis ego et Margareta uxor mea laudamus volumus et concedimus in perpetuum religiosis predictis promittentes per fidem nostram quod in predictis rebus eisdem religiosis datis et concessis nihil de cetero reclamabimus [] Item promitto per fidem meam quod in portionibus illis quas dederunt in perpetuum dictis religiosis Hugoninus et Gaufredus fratres Domini de Accegniaco Fulco de Sancto Firmino et Colinus de Calonio milites et nobilis mulier Ermensendis de Codretto in nemore de Burceio nihil reclamabo nec faciam reclamare confitens et credens quod homines mei aliquod jus non habent nec habere debent in portionibus illis ratione usuarii vel alia ratione quacunque In cujus rei confirmationem et memoriam presentem cartam fecimus sigillorum nostrorum munimine roborari Actum anno Domini millesimo ducentesimo quinquagesimo sexto mense aprili
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
