Charter Document - 02360564

In nomine Patris et Filii et Spiritus Sancti amen Omnibus presentes litteras inspecturis magister Odo officialis curie Senon in Domino salutem Felisius dictus Maugars peticionem suam in Senon curia contra homines infrascriptos edidit et proposuit in hunc modum Dicit et proponit in jure coram nobis Felisius dictus Maugart contra Ansellum Morelli Girardum Godet Johannem Morelli Ogerum filium defuncti Christiani Guiberdi Matheum Poniet Robinum Allerium Johannem Allerium Henricum Baroli Stephanum generum Anselli predicti Ansellum Bedins et Johannem dictum Cuynon quod cum ipse Felisius fuisset electus et institutus a parrochianis ecclesie Sancti Martini super Orosam de consensu et voluntate domini Johannis de Pertis canonici Senon qui in villa Sancti Martini prebendam suam Senon percipit et exercet ibidem jurisdictionem temporalem nomine et loco capituli Senon ad quod capitulum predicta jurisdictio pertinet dicte ville custos ad custodiendum fructus terrarum et vinearum sitarum in territorio et in parrochia dicte ville anni proximo preteriti et consuetum sit et usitatum ac diu observatum in dicta villa quod custos predictorum fructuum a dictis parrochianis electus et institutus de assensu capituli supradicti vel illius qui loco ipsius est ibidem percipit unam gelinam bladi quolibet anno ab illis qui terras habent in dicto territorio et in dicta parrochia et duos denarios pro quolibet arpento vinee ab illis qui vineas habent in dicto territorio et in dicta parrochia ratione custodie et predicti homines terras et vineas in dicto territorio habent et parrochia nec reddiderint ipsi Felisio scilicet pro terris suis unam gelinam nec pro quolibet arpento vinearum suarum duos denarios ratione custodie sicut in dicto anno dictos fructus custodient immo reddere contradicent injuste Petit dictus Felisius quemlibet predictorum hominum compelli ad reddendum ipsi Felisio unam gelinam bladi pro terris suis et pro quolibet arpento vinearum suarum duos denarios ratione custodie dictorum fructuum pro anno preterito Deinde lite super premissis legitime contestata prout dicti Girardus Godet [et alii supradicti] pro quibus caverunt ad penam decem solidorum scilicet pro utroque de rath diei jovis in octabiis Epiphanie Domini recognoverunt et confessi fuerunt coram nobis sicut in quodam instrumento curie Senon super hoc confecto quod sic incipit Omnibus presentes litteras inspecturis magister Odo officialis curie Senon in Domino salutem Notum facimus quod coram nobis constituti magister Regnaudus de Massengiaco et ceteri sic terminatus Datum die jovis anno Domini MCC quinquagesimo quinto plenius continetur jurato hinc inde a partibus de calumpnia positionibus etiam ex parte dicti Felisii factis et responsionibus ad eas subsecutis testibusque ex parte dicti Felisii contra dictos homines ad fundandam intentionem suam productis juratis receptis attestationibus eorum publicatis prout nobis per acta judicii coram nobis exhibita constitit evidenter Demum die martis ante festum Beati Andree apostoli per citationem partibus assignata de diffinitiva sententia audienda dicto Felisio coram nobis presente et instante sententiam ferri poscente dictoque Girardo Godet per se coram nobis similiter comparente set minus sufficienter expectante aliis hominibus non venientibus nec pro se mittentibus set per contumaciam absentibus scilicet usque ad diem Sabbati sequentem de gracia expectatis consideratis omnibus que nos de jure movere poterant et debebant deliberato consilio dictum Girardum Godet in una gelina et tribus obolis dictum Johannem Morelli in una gelina dictum Ogerium filium defuncti Christiani in una gelina et duobus denariis dictum Matheum Poignet in una gelina et duobus denariis dictum Robinum Allerium in uno denario dictum Henricum Baroli in duobus denariis dictum Stephanum generum Anselli in una gelina et duobus denariis dictum Ansellum Bedins in duobus denariis dictum Johannem Coynum in una gelina et duobus denariis dictum Ansellum Morelli in una gelina bladi reddendis dicto Felisio per diffinitivam sententiam condempnamus secundum proposita confessa et probata questionem expensarum in lite factarum eidem Felisio per eandem sentenciam reservantes Actum dicta die sabbati post dictum festum Beati Andree apostoli anno Domini MCC quinquagesimo sexto mense decembri