Charter Document - 02370501

Hubertus dei gratia Cantuariensis archiepiscopus totius Anglie primas universis sancte matris ecclesie filiis ad quos presens scriptum pervenerit eternam in domino salutem Noverit universitas vestra quod elapso non modico tempore post mortem Thome de Newesole venerunt ad nos heredes ipsius scilicet Dionisia de Newesole soror eius et Thomas de Newesole nepos eius et Willelmus de Soueldon filius Iordani de Soueldon et Willelmus Testard qui venit pro se et pro uxore sua Cristina sorore predicti Thome et exibentes nobis autenticum scriptum bone memorie Ricardi quondam Cantuariensis archiepiscopi predecessoris nostri de capella de Newesole secundum formam subscriptam eandem capellam communi consensu et pia consideratione deo et ecclesie sancte Marie ac sancti Thome martiris de Langedon et canonicis ordinis Premonstratensis ibidem deo servientibus pro sua suorumque salute in puram et perpetuam elemosinam concesserunt postulantes a nobis ut eandem ipsorum piam concessionem auctoritate nostra et scripti nostri munimine misericorditer confirmaremus Forma vero autentici scripti predicti predecessoris nostri quod nobis exhibuerunt hec fuit Ricardus dei gratia Cantuariensis archiepiscopus totius Anglie primas universis sancte matris ecclesie filiis in Christo salutem Notum sit omnibus Christi fidelibus ad quos presentes littere pervenerint quod Iohannes prior de Dovor [] sicut in proxima precedenti carta de verbo in verbum usque in finem Nos autem considerata tam pia devotione conferentium quam honesta religione memoratorum canonicorum ipsam capellam cum omnibus ad eam pertinentibus sicut in prescripto autentico predecessoris nostri continetur expressum et sicut a prescriptis heredibus memorati Thome pie et rationabiliter eisdem canonicis collata fuit eis episcopali auctoritate concessimus in perpetuum et confirmamus et hoc presenti scripto ac sigilli nostri appositione protestamur Hiis testibus []