Charter Document - 02371494
Charter Number: 02371494
Cartulary Title: Canterbury 1193-1205 Volume 3
Charter Language: Latin
Charter Origin: Religious
Charter Type(s): Confirmation
Date: 1186 - 1188
Date Type: Assigned
Resource Link(s): Reference Document for this Embedded Document
View Map
Cartulary Title: Canterbury 1193-1205 Volume 3
Charter Language: Latin
Charter Origin: Religious
Charter Type(s): Confirmation
Date: 1186 - 1188
Date Type: Assigned
Resource Link(s): Reference Document for this Embedded Document
View Map
Charter:
Omnibus Christi fidelibus ad quos presens scriptum pervenerit Hugo dei gratia Lincolniensis episcopus salutem in domino Ne ea que locis religiosis conferuntur beneficia maligna pravorum machinatione possint retractari aut per temporum vetustatem oblivione sepeliri sollers antiquorum cavit prudentia ad posterorum cognitionem predicto modo collata beneficia per scripture subsidium longeva perpetuare memoria Nos igitur veterum vestigia pia sequentes dilectis in Christo filiabus priorisse sancti Iacobi extra Huntendonam et monialibus ibidem deo servientibus donationes sibi rationabiliter factas episcopali auctoritate duximus confirmare et attestatione presentis scripti communire Quas propriis duximus vocabulis subsequenter exprimere videlicet ex donatione Willelmi regis Scocie locum in quo sita est ecclesia sancti Iacobi in quo loco prefate moniales manent Ex donatione comitis David pratum turris et duas virgatas terre in Stivecle Ex donatione Simundi de Turre totam terram quam habuit in Huntedon excepto loco in quo domus eius site sunt Ex donatione Clementie de Hamertun unam virgatam terre in eadem villa Ex donatione Iohannis Vis de Lu unam virgatam terre in Abinton Ex donatione Roberti Engaine unam virgatam terre in Weresle Ex donatione Willelmi de Einesford ex una quaque acra terre dominii sui de Stoctun unam garbam Ex donatione Roberti procuratoris vinee regis de Huntedon redditus trium solidorum Supradictas itaque donationes super quibus donatorum cartas inspeximus sicut rationabiliter facte sunt deo et ecclesie sancti Iacobi et monialibus ibidem deo servientibus ratas habemus et presentis scripti testimonio ac sigilli nostri patrocinio confirmamus
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
