Charter Document - 02380179

Omnibus sancte matris ecclesie filiis tam presentibus quam futuris ad quos presens scriptum pervenerit Hugo dei gratia Lincolniensis episcopus eternam in domino salutem Ea que religiosis domibus divino intuitu pia largitione fidelium conferuntur perpetua debent stabilitate gaudere et ne inposterum malignantium molestiis agitentur episcopalis confirmationis debent beneficio communiri Inde est quod ad universitatis vestre volumus notitiam pervenire quod nos inspectis pariter et auditis cartis virorum illustrium Willelmi de Hum super donatione redditus quatuor marcarum in terris et hominibus apud Keten et Roberti de Novo Burgo de duabus bovatis terre apud Coteshmore et Guidonis de Diva de redditu duarum marcarum in terris et hominibus et in parte molendini apud Holewel in parochia de Gildeburg predictas donationes ecclesie sancte Marie de Suwic et canonicis eiusdem loci rationabiliter factas ratas habentes eas eidem ecclesie episcopalis autoritatis munimine confirmamus Paci quoque et indempnitati prescriptorum canonicorum religionis gratia providere volentes distrixius inhibemus ne quis homines seu possessiones eorum que in Lincolniensi diocesi sunt indebite vexari vel molestare presumat Ut autem hec donationes firmius et liberius perseverent sigilli nostri appositione ipsas duximus roborare His testibus magistro Ricardo Lincolniensis ecclesie subdecano Roberto de Capella Hugone presbitero et magistro Galfrido de Dep Lincolniensis ecclesie canonicis Hugone de Bobi senescallo nostro Rogero Bacun Eustachio de Wilton et aliis multis