utl logo
UTL Home | Ethiopia Images | Central and Inner Asia Studies

Charter Document - 02380190

Charter Number: 02380190
Cartulary Title: Lincoln 1186-1206 Volume 4
Charter Language: Latin
Charter Origin: Religious
Charter Type(s): Confirmation
Date: 1186 - 1200
Date Type: Assigned

map View Map
Charter:
Universis [] Hugo dei gratia Lincolniensis episcopus eternam in domino salutem Ad pastoris spectat sollicitudinem subditis et maxime religionis nomen professis pacem providere et que eorum recte deputata sunt usibus summo opere fovere et perpetuo stabilire Huius igitur rationis intuitu dilectis nobis in Christo filiabus nostris monialibus de Styk quas conversatio religiosa et paupertas honesta favorabiles et commendabiles reddunt ecclesiam de Lavingtun cum capellis suis et omnibus ad eam pertinentibus sicut eam rationabiliter adepte sunt auctoritate episcopali confirmamus tenendam et possidendam et fructus eiusdem ecclesie et pertinentium in usus proprios earundem sanctimonialium convertendos et perpetuo possidendos salvis etiam episcopalibus consuetudinibus et Lincolniensis ecclesie dignitate Quod ut ratum et firmum permaneat presenti scripto sigilli nostri appositione communito confirmavimus Test[ibus]
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter