Charter Document - 02410174
Charter Number: 02410174
Cartulary Title: Hereford 1079-1234 Volume 7
Charter Language: Latin
Charter Origin: Religious
Charter Type(s): Settlement
Date: 1180 - 1186
Date Type: Assigned
View Map
Cartulary Title: Hereford 1079-1234 Volume 7
Charter Language: Latin
Charter Origin: Religious
Charter Type(s): Settlement
Date: 1180 - 1186
Date Type: Assigned
View Map
Charter:
Omnibus sancte matris ecclesie filiis R dei gratia Herefordensis episcopus perpetuam in Cristo salutem Ad universorum notitiam pervenire volumus quod cum controversia que mota fuit inter abbatem et monchos Salopesberie et Fulconem filium Fulconis filii Warini super patronatu ecclesie de Alberbiria nobis a sede apostolica cognoscenda et terminanda appellatione remota commissa fuisset eadem controversia in presentia nostra et multorum et magnorum virorum hoc fine quievit predictus siquidem Fulco pro sopienda imperpetuum controversia adversus ipsum super iure patronatus ecclesie de Alberbiria mota dedit et concessit assensu et voluntate heredum suorum abbatie Salopesberie et monachis ibidem deo servientibus unam virgatam terre et dimidiam in villa de Tadeslawe hospitatam et cultam in eadem terra cum hominibus manentibus in perpetuam elemosinam liberam et quietam ab omni reclamatione sua et successorum suorum in posterum et ab omni servitio et exactione salvo servitio domini regis de exercitibus suis Quod quidem servitium cum venerit predicti monachi manu sua vel hominium suorum in eadme terra manentium facient capitali domino quantum pertinet ad terram illam ita quod iam dictus Fulco vel ballivi sui sive ballivi suorum successorum sepedictam terram occasione illius servitii non namiabunt nec aliquam iusticiam in eadem habebunt Concessit etiam memoratus Fulco hominibus in eadem terra manentibus integram et plenariam communionem in omnibus aisiamentis que ad predictam villam pertinent sicut unquam melius et liberius habuerunt Concessioni sue hoc etiam aditiens quod si ipse vel heredes sui prefatam terram prenominate abbatie et monachis warantizare non poterunt dabunt eis sine dilatione escambium de valentia pretaxate terre Hanc autem conventionem et concessionem quia firmum et certam futuris temporibus esse cupimus presenti scripto manifestamus et sigillo nostro confirmamus Hiis testibus Radulfo Ricardo Warino filiis Fulconis magistro Roberto decano et aliis