utl logo
UTL Home | Ethiopia Images | Central and Inner Asia Studies

Charter Document - 02410276

Charter Number: 02410276
Cartulary Title: Hereford 1079-1234 Volume 7
Charter Language: Latin
Charter Origin: Religious
Charter Type(s): Confirmation
Date: 1201 - 1215
Date Type: Assigned

map View Map
Charter:
Universis sancte matris ecclesie filiis ad quos presens scriptum pervenerit E dei gratia Hereford ecclesie minister eternam in domino salutem Quoniam ecclesiastice possessiones a Cristi fidelibus in elemosinam viris religiosis collate exquisitis calumniantium versutiis non numquam turbari solent necesse est illas magnorum virorum et fide dignorum testimonio necnon et autenticorum scriptorum patrocinio communiri Inde est quod Lanthon ecclesie et venerabilibus et deo dilectis canonicis regularibus ibidem deo servientibus paterna pietate et benignitate prospicere cupientes inspectis cartis venerabilium patrum predecessorum nostrorum quorum vestigiis inherere eorumque canonica statuta sequi optamus omnia beneficia iam percepta seu in futurum canonice percipienda prefate ecclesie Lanthon et canonicis nostra episcopali auctoritate et presentis scripti patrocinio confirmamus et sigilli nostri appositione roboramus Confirmamus itaque eis terram extra burgum Hereford que Mora vocatur liberam et quietam ab omni servitio et consuetudine excepto quod una hyda terre de Holemera solummodo regis geldum persolvit mansionem etiam quam Ernaldus presbiter tenuerat extra burgum Hereford cum x acris terre liberam et quietam ab omni servitio et consuetudine similiter etiam acram unam mansioni prefate contiguam de terra Fulconis ecclesiam quoque de Froma cum omnibus pertinentiis suis et duas ecclesias de Presteburia unam sub montibus alteram super montes scilicet ecclesiam de Sevenhanton cum terris et decimis aliisque elemosinis omnibus eisdem ecclesiis pertinentibus aut contingentibus exceptis duabus portionibus decime de dominio meo quas habent decanus et cantor Hereford de blado scilicet tantum et de leguminibus de parco autem de Prestebiria et de hiis que seminantur vel colliguntur intra designatum ambitum parchi decima remanet ecclesie de Prestebur quia terra fuit villanorum tria quoque exarta in Presteb que Leuricus Figulus et Lefwynus Rufus et Erni per ix denariorum redditum per annum tenuerunt que prefatus episcopus R per xii denariorum redditum per annum tenenda et ad ecclesiam de Presteb pertinenda in perpetuam elemosinam dedit et concessit unam etiam virgatam terre in eadem villa quam Ernaldus miles dedit eidem ecclesie quando vitam suam in ea mutavit liberam et quietam ab omni servitio et consuetudine ita ut heredes eius idem servitium quod pro ea episcopo facere debebant de reliquo feodo suo persolvant preterea dimidiam virgatam terre in eadem villa cum brachia quadam que eidem appendere solet quam concedente Gilberto episcopo Radulfus predicti Ernaldi filius cum matre sua quando eam in sororem susceperunt in perpetuam elemosinam dedit liberam et quietam ab omni servitio et consuetudine ita ut ipse et heredes eius idem servitium quod pro hac terra episcopo debent de reliquo feodo suo persolvant ex eiusdem quoque Radulfi donatione x acras terre quas dedit in perpetuam elemosinam liberas et quietas ab omni servitio et consuetudine Hec omnia sicut singula in singulis cartis predecessorum nostrorum Roberti Gilberti item Roberti et Willelmi de Ver episcoporum Heref confirmata legimus unum in scriptum redigentes nostri quoque sigilli inpressione in presentia subscriptorum testium confirmamus Hugonis decani Hereford Hugonis de Braosa et aliorum
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter