utl logo
UTL Home | Ethiopia Images | Central and Inner Asia Studies

Charter Document - 02410341

Charter Number: 02410341
Cartulary Title: Hereford 1079-1234 Volume 7
Charter Language: Latin
Charter Origin: Religious
Charter Type(s): Grant
Date: 1230 - 1234
Date Type: Assigned

map View Map
Charter:
Universis Cristi fidelibus ad quos presens scriptum pervenerit Hugo Foliot dei gratia Hereford episcopus salutem in domino Noverit universitas vestra nos dedisse et concessisse et hac presenti carta nostra confirmasse in perpetuum Ade de Salop clerico nostro canonico Hereford et omnibus successoribus suis canonicis ad emendationem prebende sue a qua dudum terram Pyone que ad eandem prebendam pertinebat separavimus et capitulo nostro Hereford contulimus totam terram de Gorwelle et omnes redditus cum omnibus pertinentiis suis tam in burgo Hereford quam extra que Robertus Folet nobis reddidit et quieta clamavit pro se et heredibus suis imperpetuum pro predicta terra Pyon quam eidem Roberto et heredibus suis dedimus et concessimus tenendam de capitulo nostro Hereford sicut carta nostra eis inde confecta testatur preter quadraginta et tres sol et duos denarios quos assignavimus ad sustentationem capellanorum nostrorum deservientium in capella beate Katerine Hereford et preter quoddam pratum quod Thomas de Gaitun debet tenere de dicto Ada et successoribus suis canonicis pro tribus solidis annuatim persolvendis tenend et habend predictis Ade et omnibus successoribus suis canonicis libere et quiete integre pacifice et honorifice in pratis pascuis et pasturis homagiis releviis eschaetis et omnibus terre profectibus que de terra exeunt vel exire poterunt sine aliquo retenemento ad opus nostrum vel successorum nostrorum Dictus siquidem Adam pro se et pro omnibus successoribus suis canonicis terram de Walintun cum pertinentiis suis quam dicte prebende sue quondam contulimus in excambium pro predicta terra Pyon quietam nobis reddidit pro predicta terra de Gorwelle quam predicte prebende cum pertinentiis suis dedimus sicut predictum est Quod si memoratus Adam vel aliquis successorum suorum terram prefatam de Walinton tanquam ad prebendam prefatam pertinentem vendicare voluerit et eam forte optinuerit volumus quod dicta terra de Gorwelle cum omnibus pertinentiis suis revertatur in usus nostros et successorum nostrorum sicut eam prius habuimus in dominico Nos vero et successores nostri totam predictam terram de Gorwelle cum omnibus redditibus predictis et omnibus pertinentiis suis sicut predictum est predicto Ade et successoribus suis canonicis contra omnes gentes warantizabimus Et hanc quidem donationem et concessionem nostram ratam habentes et gratam et permanere volentes inconcussam huic scripto sigillum nostrum et sigillum capituli nostri apponi fecimus Hiis testibus Domino Th Foliot thesaurario Hereford Stephano Banastr eiusdem loci canonico Magistro Willelmo Platun et Iohanne Bacun Ada de Ledeb Iohanne de Ros Godef de Merkel clericis Waltero de Par Waltero camerario Waltero Clement Waltero Muchegros Iohanne Sprengehos et aliis
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter