Charter Document - 02410344
Charter Number: 02410344
Cartulary Title: Hereford 1079-1234 Volume 7
Charter Language: Latin
Charter Origin: Religious
Charter Type(s): Grant
Date: 1231 - 1232
Date Type: Assigned
View Map
Cartulary Title: Hereford 1079-1234 Volume 7
Charter Language: Latin
Charter Origin: Religious
Charter Type(s): Grant
Date: 1231 - 1232
Date Type: Assigned
View Map
Charter:
Hugo Foliot dei gratia Hereford episcopus archidiaconis decanis personis vicariis et universis tam clericis quam laicis in episcopatu Hereford constitutis eternam in domino salutem Quoniam ut ait apostolus omnes stabimus ante tribunal Cristi recepturi prout in corpore gessimus sive bonum fuerit sive malum oportet nos diem messionis extreme misericordie operibus pervenire ac eternorum intuitu seminare in terris quod reddente Domino cum multiplicato fructu colligere valeamus in celis Cum igitur ad sustentationem pauperum et egenorum ad elemosinariam Dei et beate Marie et Sancti Ethelberti Hereford confluentium proprie non suppetant facultates universitatem vestram monemus in domino et in remissione peccatorum vestrorum iniungimus vobis quatinus de bonis vobis a deo collatis pias elemosinas et grata dicte domui karitatis subsidia erogare curetis ut per subventionem elemosinarum vestrarum pauperum ibidem confluentium inopie consulatur Nos autem de misericordia Dei confisi omnibus qui elemosinas aliquas dicte domui karitative erogaverint de iniuncta sibi penitencia pro peccatis de quibus vere fuerint contriti et confessi auctoritate nobis a Deo commissa viginti dies relaxamus tanto audacius maiorem indulgentiam dicte domui concedendo cum constet a dicta domo plures pauperes sustentari Actum Incarnationis Domini Millesimo Ducentesimo Tricesimo Primo anno