utl logo
UTL Home | Ethiopia Images | Central and Inner Asia Studies

Charter Document - 02410358

Charter Number: 02410358
Cartulary Title: Hereford 1079-1234 Volume 7
Charter Language: Latin
Charter Origin: Religious
Charter Type(s): Grant
Date: 1219 - 1234
Date Type: Assigned

map View Map
Charter:
Universis sancte matris ecclesie filiis ad quos presens scriptum pervenerit H Foliot divina permissione Hereford ecclesie minister humilis eternam in domino salutem Noverit universitas vestra quod cum prior de Weneloc ad capitulum Hereford accessisset coram nobis in pleno capitulo constitutus iuri quod prius vendicaverat in ecclesia de Etton spontanee pro se et conventu suo renuntians se gratie nostre et capituli nostri in totum commisit misericordiam petens et non iudicium Nos itaque habito tractatu cum capitulo nostro pensantes dicti prioris et conventus ac fratrum deo et Sancte Milburge deservientium quam religiosa sit conversatio et circa hospites et pauperes qui Cristi membra reputantur paupertatem facultatum suarum et providam dispensationem ad caritatis ipsorum devotionem excitandam et fervorem ampliandum concessimus eis et liberaliter in puram et perpetuam elemosinam contulimus dictam ecclesiam de Etton cum omnibus pertinentiis suis ita videlicet ut proventus eiusdem in aumentum coquine ipsius conventus plene et integre convertantur nec liceat alicui proventus ipsos in alios usus transferre quatinus fratrum in prenominato conventu commorantium in dominicis obsequiis et ministeriis ut propensior existat deinceps devotio et quies securior salva competenti sustentatione vicarii in prefata ecclesia et salva in omnibus dignitate Hereford ecclesie Huic autem concessioni nostre capitulum ecclesie nostre benignum prebuit assensum cum unanimi voluntate In huius rei testimonium nos et capitulum ecclesie nostre presenti scripture sigilla nostra apposuimus Hiis testibus Magistro Iohanne de Wrocestr Magistro Elia de Bukehill Ada de Wigemore et Ricardo de Prestebir capellanis Bernardo et Ricardo de Ledebir fratribus Magistro David de Mora Roberto de Brugia et Willelmo de Dudeleg clericis et multis aliis
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter