Charter Document - 02410360
Charter Number: 02410360
Cartulary Title: Hereford 1079-1234 Volume 7
Charter Language: Latin
Charter Origin: Religious
Charter Type(s): Licence
Date: 1230 - 1234
Date Type: Assigned
View Map
Cartulary Title: Hereford 1079-1234 Volume 7
Charter Language: Latin
Charter Origin: Religious
Charter Type(s): Licence
Date: 1230 - 1234
Date Type: Assigned
View Map
Charter:
Universis Cristi fidelibus ad quos presens scriptum pervenerit Hugo Foliot dei gratia Hereford episcopus salutem in domino Divinis insudantes obsequiis dignum est ecclesiasticis fovere beneficiis nec minus credimus deo acceptum loca sanctorum reverenter visitare et domum orationis edificare ad invocandum nomen domini et divina celebranda misteria Considerantes igitur quod monachi de Weneloc nullas habeant facultates nec aliquid beneficii a quocumque mortalium ad fabricam vel refectionem ecclesie Sancte Milburge et quam pium sit eiusdem ecclesie constructioni vel refectioni subvenire predictis monachis ibidem deo et Sancte Milburge famulantibus ecclesiam de Clun cum omnibus pertinentiis suis in capellis terris decimis et obventionibus et omnibus aliis rebus concessimus in fabricam predicte ecclesie de Wenloc convertendam et domnum Hymbertum priorem de Wenloc et eiusdem loci monachos in eadem ecclesia cum omnibus ad eam pertinentibus personas canonice instituimus nemine reclamante ita videlicet quod alicui ex fratribus suis probate conscie curam fabrice memorate ecclesie de Weneloc committant qui omnes proventus ecclesie de Clun et capellarum in fabricam et refectionem ecclesie Sancte Milburge convertat nec aliquid in alios quoscumque usus distribuat nisi necessarias expensas faciendas Nichilominus etiam omnes illos qui contra hoc aliquid attemptare presumpserint aliter distribuendo vel qualitercumque impediendo quominus omnes fructus et proventus prefate ecclesie de Clun et capellarum in usus cedant memoratos de voluntate et consensu predictorum monachorum episcopali auctoritate sollempniter excommunicavimus salva competenti vicaria capellano in eadem ecclesia deservienti et salva nobis et successoribus nostris dignitate et auctoritate episcopali Quod ut perpetue firmitatis robur optineat presenti scripto et sigilli nostri appositione roborare curavimus Hiis testibus Magistro Thoma Foliot thesaurario Hereford magistro Roberto Haket canonico Hereford Elya canonico Lanthon Rogero capellano Magistro Willelmo Platun Ada de Salop canonico Hereford Ada de Ledebir Willelmo de Dudeleb Godefrido clericis et aliis