utl logo
UTL Home | Ethiopia Images | Central and Inner Asia Studies

Charter Document - 02410367

Charter Number: 02410367
Cartulary Title: Hereford 1079-1234 Volume 7
Charter Language: Latin
Charter Origin: Religious
Charter Type(s): Grant
Date: 1230 - 1234
Date Type: Assigned

map View Map
Charter:
Universis Cristi fidelibus ad quos presens scriptum pervenerit Hugo Foliot dei gratia Hereford episcopus eternam in domino salutem Noverit universitas vestra quod nos dedimus et concessimus et hac presenti carta nostra confirmavimus Thome de Gayton pro homagio et servitio suo totum pratum cum omnibus pertinentiis quod vocatur Childeshale sine omni retenemento quod Robertus Folet aliquando tenuit in dominico quod extendit in longitudine versus occidentem ad pratum quod fuit Willelmi de la Rya versus orientem super la Dedelak versus Muchelenesey et quod extendit in latitudine versus partem australem ad rivum de Lugge et versus partem aquilonis ad la Dedelake habendum et tenendum de nobis et successoribus nostris sibi et heredibus suis vel suis assignatis preter quam loco religioso libere et quiete integre et pacifice in omnibus locis et in omnibus rebus reddendo inde annuatim nobis et successoribus nostris ipse et heredes sui vel sui assignati tres solidos ad quatuor terminos anni scilicet ad festum Sancti Michaelis novem denarios ad festum Sancti Andree novem denarios ad Annuntiationem Beate Marie novem denarios ad festum Sancti Iohannis Baptiste novem denarios pro omni seculari servitio exactione et demanda que de terra exeunt vel exire possunt salvo regali servitio ad tantum pratum pertinente Nos vero et successores nostri predictum pratum cum omnibus pertinentiis predicto Thome et heredibus suis vel suis assignatis contra omnes homines et feminas warantizabimus in perpetuum Quod quia volumus quod ratum et stabile permaneat in perpetuum presens scriptum sigilli nostri munimine duximus roborandum Hiis testibus Magistro Thoma Foliot thesaurario Hereford Magistro Roberto Haket Ada de Salop canonicis Heref Willelmo de la Pipa Nicholao cantore Radulfo de la Burcot et multis aliis
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter