Charter Document - 02420196
Charter Number: 02420196
Cartulary Title: Winchester 1070-1204 Volume 8
Charter Language: Latin
Charter Origin: Religious
Charter Type(s): Letter
Date: 1191
Date Type: Assigned
View Map
Cartulary Title: Winchester 1070-1204 Volume 8
Charter Language: Latin
Charter Origin: Religious
Charter Type(s): Letter
Date: 1191
Date Type: Assigned
View Map
Charter:
Godefridus dei gratia Wintoniensis episcopus dilectissimis in Cristo fratribus et amicis Gaufrido priori et conventui ecclesie Cristi Cantuariensis salutem quam repromisit deus diligentibus se Loquar in amaritudine anime mee tristis et dolens super iniuriis et molestiis venerabili fratri nostro Eboracensi archiepiscopo nimis atrociter ut dicitur illatis Doleo quidem et dolenti condoleo patior et compatienti compatior sed in ipsius passionibus et ignominiis totus homo meus interior gladio passionis est transfossus Cum autem huiusmodi factum redundet in iniuriam totius ecclesie Anglicane de communi fratrum et coepiscoporum nostrorum deliberatione procedere debet consilium quod super tam arduo negotio vobis dari postulatis Porro si fratribus inconsultis verbum aliquod consilii super hoc precipitarum non inmerito possem ab eis argui temere presumptionis Verum largiente domino quod solus aggredi non presumo preeunte et communicato consilio domini Londoniensis et aliorum confratrum nostrorum responsum salutare ad honorem Cantuariensis ecclesie et vestrum in brevi recipietis Valete
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
