Charter Document - 02440040

Robertus dei gratia Bathon episcopus omnibus sancte matris ecclesie filiis quibus presens scriptum patebit salutem in domino Ecclesiarum et maxime virorum religiosorum securitati prospicere et officii nostri idem suggerit et caritas imperiosa compellit Universitati itaque vestre notificamus quod omnes possessiones deo et ecclesie Montis Acuti infra nostram diocesim collatas sub dei et nostra protectione suscepimus et eas monachis ibi deo servientibus concedimus et confirmamus Ex quibus has nominatim expressimus videlicet ecclesiam de Tintenella ecclesiam de Cinnoc ecclesiam de Cloueswurda ecclesiam de Crich ecclesiam de Odecumba ecclesiam de Gerlingetona ecclesiam de Brimetona et capellam sancti Michaelis de Monte Acuto cum omnibus earum pertinentiis decimas dominii de Cinnoc et de Hetsecumba et de Cilterna et de Cridelinct et medietates decimarum dominiorum de Chiselberga et de Clafford et de Nortona Ricardi filii Willelmi et de Merstona Roberti de Bello Campo et de Direwinest et de Bichhille Ad firmiorem autem horum permanentiam presentis carte sigillique nostri testimonio ea duximus confirmanda ex parte dei et nostra districte firmiterque interdicentes ne ullus presumptor super qualibet harum possessionum adversus predictam ecclesiam et monachos audeat ad subripiendum malignari quod si quis clericus sive laicus cupiditatis sive malitie cuiuslibet instinctu presumptuose attemptaverit omnipotentis offensam et anathematis a nostra persona sententiam nisi resipuerit incurrat Amen