utl logo
UTL Home | Ethiopia Images | Central and Inner Asia Studies

Charter Document - 02450077

Charter Number: 02450077
Cartulary Title: Exeter 1046-1184 Volume 11
Charter Language: Latin
Charter Origin: Religious
Charter Type(s): Notification
Date: 1176
Date Type: Internal, A.D.

map View Map
Charter:
B dei gratia dictus episcopus Exoniensis universis sancte matris ecclesie filiis ad quos presentes littere pervenerint salutem Noverit universitas vestra quod cum controversia super ecclesia de Melcheburn inter monachos Becc et fratres hospitalis Ier[oso]litane diutius fuisset agitata et nobis auctoritate summi pontificis delegata in hunc modum coram nobis quievit Convenit utriusque partis communi assensu quod ecclesia sancte Marie de Melcheburn fratribus hospitalis remaneat cum omni integritate ad eam pertinente excepta capella de Cnotting que libera et absoluta ab omni subiectione et obedientia predicte matricis ecclesie de Melcheburn sine omni reclamatione exactione et consuetudine monachis Becc cum omnibus ad eandem pertinentibus inperpetuum remanet Preterea fratres hospitalis predictis monachis decem solidatas redditus congruo loco assignabunt Hac forma pacis interveniente monachi prefati auctoritate sui abbatis et conventus universum ius quod in ecclesia de Melcheburn sibi vendicabant resignaverunt Fratres vero hospitalis similiter auctoritate sui prioris et capituli predictis monachis capellam de Cnotting liberam et absolutam ut supradictum est cum omnibus pertinentiis suis perpetuo possidendam concesserunt Hanc conventionem utraque pars fidei interpositione corporaliter in manu nostra prestita sine fraude et dolo malo perpetuo observandam concessit Hec autem transactio celebrate est anno ab incarnatione domini MC septuagesimo vi Hiis testibus []
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter