Charter Document - 02520221

Heinricus dei gracia comes palatinus Reni dux Bawarie omnibus presencia inspecturis in perpetuum Cum divina clemencia que ina principatus nos solium collocavit a nobis exigat ut debeamus cavere ecclesiarum indemnitatibus et nichilominus saluti nostrorum consulere subiectorum ecce per presencia declaramus quod dilectus fidelis noster pie memorie Ortlibus de Walde in extremis positus habens adhuc sanam mentis valitudinem cogitans de supremis in nos posuit votum sue ultime voluntatis precipue in hiis que ecclesiam in Raitenhaslach Cisterciensis ordinis contingebant et hec Ortlibus suus filius approbavit Quare statuimus ordinamus et presentibus promulgamus ut dicta ecclesia in iudiciis et aliis iuribus libertatibus et em unitatibus gaudeat que sibi concessa patent ex instrumentis publicis vel privatis ita ut renuntiationes facte super iudiciis ac aliis pro dicta ecclesia firme permaneant et gracie mortuariorum seu quecumque ob salutem anime sue per predictum fidelem nostrum pie memorie Ortlibum de Walde concesse in nullis casibus valeant irritari sed renunciata et admissa salva volumus penitus permanere In hiis vero prediis de quibus instrumenta mentionem non faciunt pronunciamus arbitramur et volumus iudices Ortlibi de Walde et sue posteritatis aut ipsum Ortlibum modum iudicii et ordinem observare secundum quem iudicaverint nostri iudices in dicte ecclesie prediis iuris terre ordinem observantes Ut igitur in premissis omnibus materia calumpnie amputetur et nulla in posterum valeat suboriri contentionis dubietas presens scriptum nostri sigilli robore placuit communiri cum testibus subnotatis qui sunt dominus Vlricus de Abensperch Sifridus de Sigenhouen Grimoldus de Prising Ekkardus de Tanne Alramus de Rotawe milites dominus Wernhardus plebanus de Maurchirchen et dominus Rugerus de Lochchirchen capellani nostri dominus Eberhardus plebanus sancti Georii magister Fridericus notarius canonicus Ratisponensis Waltherus et Otto notarii et alii quam plures Dat in Oting anno domini millesimo ducentesimo LXX septimo X kalen febr