utl logo
UTL Home | Ethiopia Images | Central and Inner Asia Studies

Charter Document - 02650665

Charter Number: 02650665
Cartulary Title: The Cartulary of Cirencester Abbey, Gloucestershire
Charter Language: Latin
Charter Origin: Religious
Charter Type(s): Agreement, Grant
Date: 1207 - 1208
Date Type: Internal, Regnal

map View Map
Charter:
Hec est convencio facta inter Ricardum abbatem Cirencestr[] et conventum eiusdem loci et Simonem de Pateshulle scilicet quod abbas et conventus concesserunt et dimiserunt eidem Simoni quatuor virgatas terre in Avescote cum omnibus pertinenciis suis scilicet illas quatuor virgatas terre cum omnibus pertinenciis suis quas ipsi abbas et conventus habent ex dono Thome de Veim habend et tenend eidem Simoni et heredibus suis de ipsis abbate et conventu Cirencestr[] et successoribus eorum libere et quiete et pacifice in perpetuum reddendo inde annuatim unam marcam argenti ecclesie Cirencestr[] ad duos anni terminos scilicet ad Pascha dimidiam marcam et ad festum Sancti Michaelis dimidiam marcam Et predictus Simon et heredes sui adquietabunt predictam terram de Omni forinseco servicio et exactione Et idem Simon fecit fidelitatem et heredes sui facient de predicta terra cum pertinenciis suis abbati et conventui Cirencestr[] et eorum successoribus in perpetuum Et hec convencio recordata fuit in curia domini regis Johannis anno regni eius nono coram justiciariis eius Waltero de Grei domini regis cancellario Hugone archidiacono Wellensi Jacobo de Poterna et aliis fidelibus domini regis Et sciendum quod si aliqua querela mota fuerit contra predictum abbatem et conventum et successores corum vel predictum Simonem et heredes suos predicti abbas et conventus tradent cartas suas quas habent de dono Thome de Veim donatore eorum et Willelmo filio Ranulfi et Willelmo de Albo Monasterio donatoribus predicti Thome de Veim predicto Simoni vel heredibus suis ad placidum illud exequendum et terminandum quas cartas ipse Simon et heredes sui reddent predicto abbati et conventui Cirencest[] post placitum terminatum Et hoc sacramento interposito facere promiserunt Et ad maiorem huius convencionis et concessionis securitatem et ne aliquis successorum suorum contra hanc convencionem venire possit factum est hoc scriptum in modum cirograffi et appensum est sigillum ipsorum abbatis et conventus scripto ipsius Simonis et sigillum ipsius scripto ipsorum abbatis et conventus Hiis testibus Waltero de Grei domini regis cancellario Hugone archidiacono Wellensi Jacobo de Poterna Ricardo de Bello Campo Roberto de Lega Thoma de Mora Roberto de Cardunvilla Roberto de Erkenbaldo Philippo filio Reginaldi Ancelmo pincerna Matheo fratre eius et multis aliis
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter