Charter Document - 02710879
Charter Number: 02710879
Cartulary Title: The Cartulary of the Hospital of St. John the Baptist [Oxford]
Charter Language: Latin
Charter Origin: Lay
Charter Type(s): Exchange
Date: 1248 - 1249
Date Type: Assigned
View Map
Cartulary Title: The Cartulary of the Hospital of St. John the Baptist [Oxford]
Charter Language: Latin
Charter Origin: Lay
Charter Type(s): Exchange
Date: 1248 - 1249
Date Type: Assigned
View Map
Charter:
Sciant presentes et futuri quod ego Walterus filius Galfridi Aurifabri dedi et concessi et hac presenti carta mea confirmaui fratribus hospitalis sancti Iohannis Oxonie extra portam orientalem et eorum successoribus tres solidatos annui redditus in parochia sancte Crucis in suburbio Oxonie de toto illo tenemento quod iacet inter terram que aliquando fuit Albridi presbiteri ex parte aquilonari et terram Hugonis le Tyelere ex parte australi in uero et fideli escambio redditus triginta duorum denariorum annuatim percipiendorum scilicet uiginti denariorum de terra quam Adam Submuro tenet in parochia sancti Petri uersus Castrum Oxonie et duodecim denariorum de terra quam Laurentius Ruffus tenet in eadem parochia Quare uolo et firmiter concedo pro me et heredibus meis quod dicti fratres habeant et possideant in perpetuum dictos tres solidatos annui redditus in uero et fideli escambio dictorum triginta duorum denariorum in perpetuum absque omni contradictione aut inpedimento mei uel meorum Ego uero Walterus et heredes mei dictum escambium dictis fratribus et eorum successoribus warantizabimus acquietabimus et defendemus contra omnes gentes in perpetuum Et ut hec mea donatio in uerum escambium firma et stabilis in perpetuum permaneat presenti scripto in modum cirographi confecto sigillum meum apposui et similiter dicti fratres commune sigillum hospitalis presenti scripto apposuerunt Hiis testibus Nicholao de Stokwelle tunc maiore Oxonie Henrico Perle Thoma le Spicer tunc prepositis Oxonie Andrea Alegod Waltero de Miltone Iohanne Scriptore de Haliwelle Willelmo Maynard Willelmo le Pelcur de Haliwelle Hugone le Tyelere Willelmo le Boltere Galfrido Belewe clerico et aliis
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
