Charter Document - 02730361
Charter Number: 02730361
Cartulary Title: The Registrum Antiquissimum of the Cathedral Church of Lincoln
Charter Language: Latin
Charter Origin: Religious
Charter Type(s): Ordination
Date: 1232
Date Type: Internal, Episcopal
View Map
Cartulary Title: The Registrum Antiquissimum of the Cathedral Church of Lincoln
Charter Language: Latin
Charter Origin: Religious
Charter Type(s): Ordination
Date: 1232
Date Type: Internal, Episcopal
View Map
Charter:
Omnibus Christi fidelibus ad quos presens scriptum peruenerit Hugo dei gracia Linc[] episcopus salutem in domino Nouerit vniuersitas uestra quod nos interueniente dilectorum filiorum Willelmi decani et capituli nostri Linc[] assensu de decem marcis annuatim de ecclesia de Effordeby per manus magistri Alardi de Arundell[] et successorum suorum ipsius ecclesie personarum soluendis ut in presenti carta continetur inferius Ordinauimus in hunc modum videlicet quod in die anniuersarii nostri singulis annis imperpetuum vnicuique de canonicis presentibus duodecim denarii distribuantur de vicariis vnicuique sex denarii aliis autem clericis chorum frequentantibus et laicis seruientibus ecclesie meritis eorum et condicionibus attentis dimidia marca de toto autem residuo pascantur eo die pauperes imperpetuum quot inde pasci poterunt in pane et potagio ceruisia et vna ferculo Ordinauimus eciam quod interim donec dies prenotatus uenerit emantur de predictis decem marcis panni et sotulares annuatim pauperibus distribuendi eo tantum excepto quod donec ecclesia de Rysum vacauerit due marce et dimidia capellanis pro nobis et cunctis fidelibus celebraturis assignate de dictis decem marcis assummentur Item ordinauimus quod clerici qui pro tempore per nos et successores nostros in ecclesia predicta de Effordeby instituentur sustineant onera illius ordinaria debita et consueta et predictas decem marcas annis singulis Linc[] soluant periculo et sumptibus eorundem in duobus anni terminis videlicet in festo sancti Martini quinque marcas et tantumdem in festo Penthecosten preposito commune et capellano principali de capellanis pro animabus celebraturis ut dictum est Et hoc coram decano et capitulo iurabunt corporaliter cum super eo fuerint requisiti per dictos autem prepositum et capitulum de consilio predictorum decani et capituli prelibatorum omnium sicut diximus fiet distribucio Saluis in omnibus episcopalibus consuetudinibus et Linc[] ecclesie dignitate Quod ut perpetuam optineat firmitatem presenti scripto sigillum nostrum vna cum sigillo predicti capituli nostri Linc[] duximus apponendum Hiis testibus Willelmo decano Roberto archidiacono Willelmo cancellario et Waltero thesaurario Linc[] Johanne Norhamptonie Gilberto Huntendonie et Amaurico Bedefordie archidiaconis Willelmo subdecano magistris Roberto de Grauell[] et Stephano de Cicestria [Theobaldo et Ricardo de Cancia Galfrido Scoto Warino de Kirketon Thoma de Norton et Roberto de Bollesouer capellanis magistris Willelmo de Lincoln Roberto de Brincla et Waltero de Well[] Petro de Hungaria Radulfo de Warrauill[] et Willelmo de Wynchecumb[] diaconis magistris Nicholao de Euesham et Ricardo de Wendouer Ricardo de Oxon et Thoma de Askeby subdiaconis] canonicis Linc[] Dat[] per manum nostram in capitulo Linc[] quinto idus Septembris pontificatus nostri anno xx tercio
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
