Charter Document - 02730362

Omnibus Christi fidelibus ad quos presens scriptum peruenerit Hugo dei gracia Linc[] episcopus salutem in domino Nouerit vniuersitas uestra nos ad honorem dei et gloriose Virginis matris sue cuius inutiles serui sumus de assensu Rogeri decani et capituli nostri Linc[] concessisse et dedisse ecclesie Linc[] redditum subscriptum in liberam puram et perpetuam elemosinam pro salute anime nostre et omnium antecessorum et successorum nostrorum in augmentum perpetue sustentacionis clericorum de choro Linc[] per quos celebretur officium de ipsa Virgine gloriosa in ecclesia Linc[] in loco certo ad hoc deputato videlicet missa sollempnis singulis diebus mane et alia officia de eadem secundum horas similiter constituta de ecclesia de Kildesby centum solidos de ecclesia de Tinghurst[] quinque marcas de ecclesia de Esfordeby decem marcas reddendas annuatim de ipsis ecclesiis cum proximo uacauerint in quatuor anni terminis preposito officii illius per manus illorum qui pro tempore ipsas ecclesias tenuerint per nos uel successores nostros qui de ipsis ecclesiis et omnibus pertinenciis earum disponemus et ordinabimus pro uoluntate nostra inperpetuum libere et quiete et absque omni contradiccione Saluo predictis clericis predicto redditu annuatim de eisdem Constituimus autem de assensu ipsius decani et capituli nostri ut cappellanus de choro vir s [] uite laudabilis et opinionis probate prepositus huius officii a decano et capitulo constitutus integre tam redditum prenominatum quam omnem alium redditum ad hec officia exequenda iam assignatum et inposterum assignandum pie largicione fidelium terminis statutis recipiat et fideliter et bona fide distribuat singulis septimanis predictis clericis de choro executoribus officii memorati secundum ordinacionem nostram et predicti capituli nostri salubri uolente domino factam prouisione Statuimus etiam quod unusquisque eorum qui quamcunque predictarum ecclesiarum tenuerit ut dictum est sacramentum faciat fidelitatis decano et capitulo Linc[] de predicto redditu integre et sine diminucione aliqua predicto preposito suis terminis persoluendo Decernentes insuper quod si aliquis eorum maliciose contra hoc unquam uenire presumpserit et legittime commonitus id emendare negglexerit ipsum tam diu ab officio et beneficio fore suspensum donec super hiis satisfecerit competenter maiori etiam pena feriendum iuxta arbitrium nostrum et successorum nostrorum si nec sic errorem suum duxerit corrigendum Nos uero ad eliminandam prorsus omnem maliciam et ad perpetuam huius concessionis et constitucionis nostre firmitatem una cum omnibus sacerdotibus ecclesie Linc[] sollempniter excommunicauimus omnes illos qui fraudulenter et maliciose hanc elemosinam nostram uel aliorum huic officio ut diximus assignatam uel assignandam subtraxerint diminuerint uel ad alios usus minus licite conuerterint contra nostram et capituli nostri ordinacionem Vt igitur hec omnia perpetua gaudeant stabilitate presenti scripto sigillum nostrum una cum sigillo predicti capituli nostri Linc[] duximus apponendum Hiis testibus domino Joscelino episcopo Bathoniensi Willelmo precentore Wellensi magistris Johanne de Hoyland[] Willelmo de Cantia Amaurico de Buggeden[] Lamberto de Beuerlaco et Hugone de Mareseia Huberto Hesey Roberto de Caumuill[] et Gilberto fratre eius Laurencio de Wilton[] Willelmo de Winchecumb[] et Oliuero de Ch[edne]to clericis Dat[] per manum nostram [in] capitulo Linc[] die Pasche [pontificatus nostri] anno vndecimo