Charter Document - 02730401
Charter Number: 02730401
Cartulary Title: The Registrum Antiquissimum of the Cathedral Church of Lincoln
Charter Language: Latin
Charter Origin: Religious
Charter Type(s): Grant
Date: 1290
Date Type: Internal, A.D., Feast
View Map
Cartulary Title: The Registrum Antiquissimum of the Cathedral Church of Lincoln
Charter Language: Latin
Charter Origin: Religious
Charter Type(s): Grant
Date: 1290
Date Type: Internal, A.D., Feast
View Map
Charter:
[P]er presens scriptum pateat vniuersis quod nos Philippus decanus et capitulum ecclesie Lincoln[] ad festum Assumpcionis gloriosissime virginis Marie anno domini mcc nonagesimo habito in capitulo nostro ecclesie predicte diligenti tractatu super annua prestacione quindecim librarum argenti in qua priorissa et conuentus domus monialium de Lekeburn[] eidem ecclesie Linc[] ad obseruacionem obitus bone memorie domini Henrici quondam Lincoln[] episcopi per cartam suam fuerunt astricte demum ad exiguitatem et tenuitatem facultatum et bonorum domus eiusdem de Lekeburn[] precipue ad instanciam venerabilis patris domini Oliveri dei gracia Lincoln[] episcopi in hac concessione nostra presentis pie compassionis oculo diuine caritatis intuitu gratuitum respectum habentes prefatis priorisse et conuentui pauperum monialium domus eiusdem de annua prestacione predicta quindecim librarum argenti sexaginta solidos annuos vt residuum prestacionis pretacte facilius prompcius atque libencius nobis plene persoluant decetero in futurum iuxta prioris carte sue continenciam tribus terminis consuetis ex certa sciencia communi assensu et vnanimi voluntate nostra graciose relaxamus ac pro nobis et successoribus nostris imperpetuum remittimus annuatim Ita tamen quod quociens prefata priorissa et conuentus domus eiusdem de Lekeburn[] per mensem et amplius post aliquem terminum de predictis in solucione facienda nobis seu successoribus nostris de residuo prelibato forsan defecerint infuturum possimus libere totum pro eodem termino exigere ab eisdem et nichilominus ad alias coherciones in prima littera sua contentas secundum tenorem illius procedere quam quantum ad residuas annuas duodecim libras predictas volumus in suo statu manere non obstante quantum ad terminum ilium quo defecerint hac concessione nostra predicta In cuius rei testimonium huic scripto dupplicato sigillum capituli nostri Linc[] ac sigillum commune domus monialium de Lekeburn[] prelibata mutuo sunt appensa Dat[] die loco et anno superius annotatis
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
