Charter Document - 02730424

Vniuersis sancte matris ecclesie filiis ad quos presentes littere peruenerint Johannes permissione diuina Lincoln[] episcopus salutem in eo qui est caput omnium saluandorum Redemptor humani generis peccatoribus a culpa omnino conuersis ad veniam promerendam adiutoria diuersimoda prouidendo concessit Sane quanto locus venerabilis fuerit diuino nomini quasi ad modum templi terrestris Ierusalem honoris titulo quadam prerogatiua decoris specialius inchoatus tanto ad eius consummacionis cumulum insistere et consummatum conseruare et ad hoc pio studio iuuamen prestare deo placitum et hominibus meritorium reputamus De dei igitur omnipotentis misericordia gloriose virginis Marie genitricis eiusdem patrone nostre sanctissimi que confessoris sancti Hugonis et omnium sanctorum meritis confidentes omnibus parochianis nostris et aliis quorum diocesani hanc nostram indulgenciam ratam habuerint de peccatorum suorum maculis vere penitentibus et confessis ad ecclesiam nostram cathedralem Lincoln[] causa deuocionis et oracionis decetero accessuris illam ve caritatis subsidio per se aut alios nomine suo visitaturis eiusdem que fabricam siue ex dono siue ex legato aut modo alio promoturis quadraginta dies de iniuncta sibi penitencia in domino misericorditer relaxamus omnes indulgencias a quibuscumque archiepiscopis et episcopis gratiam sedis apostolice optinentibus prius in hac parte concessas et inposterum concedendas ratas habentes pariter et acceptas In cuius rei testimonium sigillum nostrum presentibus est appensum Dat[] apud Tingehirst[] xvj kalendas Aprilis anno domini mccc quarto