Charter Document - 02730464

[O]mnibus Christi fidelibus ad quorum noticiam peruenerit presens scriptum [] Abbas monasterii de Seleby Eboracensis diocesis et eiusdem loci conuentus salutem in domino sempiternam Lincoln[] ecclesiam in cuius diocesi bona suscepimus et in qua de dicte ecclesie gracia ecclesiastica beneficia retinemus congruis et votiuis honoribus liberaliter respicere cupientes contemplacione venerabilis patris domini Oliueri dei gracia Lincoln[] episcopi necnon bone memorie domini Ricardi predecessoris sui qui se prius nobis ac monasterio nostro in nostris secum agendis secundum deum et iusticiam fauorabiles multipliciter exhibuerunt ex deliberato consilio et omnium nostrum consensu vn[anim] et assignauimus damus que et perpetu[is tem]poribus concedimus in futurum deo [ca]thedrali ecclesie beate Marie Lincoln[] ad augmentum cultus diuini et su[sten]tacionem ministrorum in eadem tres marcas annuas de bonis monasterii nostri predicti videlicet de prouentibus ecclesiarum nostrarum de Crull[] Ludington[] Redeburne et Stalingburg[] in diocesi Lincoln[] existencium integre et plenarie percipiendas et secundum disposicionem et ordinacionem dicti domini Oliueri et successorum suorum episcoporum Lincoln[] ac [] decani et capituli loci eiusdem in ipsius ecclesie Lino[] vtilitatem et decus pro suo libito conuertendas quam quidem pecunie summam in octabis sancti Martini [] sacriste Lincoln[] qui pro tempore fuerit in thesauraria ibidem pro nobis et successoribus nostris de bonis et prouentibus nostris supradictis soluendam promittimus bona fide Si vero in eiusdem pecunie annua solucione termino supradicto facienda cessauerimus quod absit volumus et expresse concedimus per presentes quod [] episcopus Lincoln[] aut eiusdem ciuitatis vel Stowie archidiaconi qui pro tempore fuerint vel eorum aliquis ad solam et nudam interpellacionem dictorum [] decani et capituli nobis irrequisitis et non vocatis de bonis nostris apud Crull[] Ludington[] Redeburne et Stalingburg[] inuentis et pro dicta prestacione annua exnunc specia [] que omnia in dictis locis nostris [] bona ecclesiastica reputari volumus in hoc casu dictam pecunie summam [] de ipsius solucione per nos statim [] atur nostris sumptibus redigi faciant [et] leuari Ita quod illi quos iidem [] episcopus vel archidiaconi aut eorum aliquis ad huiusmodi leuacionem faciendam deputauerint seu deputauerit tanquam ministri nostri a nobis dati subrogati seu assignati specialiter censeantur Volumus insuper et expresse concedimus quod dicti dominus [] episcopus vel [] archidiaconi vel eorum aliquis ad aliam cohercionem per censuram ecclesiasticam contra nos de plano procedere possint aut possit si in huius solucione contumaces fuerimus aut rebelles Renunciantes omnibus excepcionibus et cauillacionibus regiis prohibicionibus remediis iuris nobis competentibus tam canonici quam ciuilis ac omnibus et singulis per que presentis scripti tenor impediri poterit seu differri In cuius rei testimonium sigillum commune capituli nostri presentibus est appensum Dat[] in capitulo nostro mense Augusti anno mcc octogesimo octavo