Charter Document - 02792296

Vniuersis Christi fidelibus presens scriptum inspecturis uel audituris J decanus et capitulum Lincolniensis ecclesie salutem in domino Noueritis nos de assensu custodum fabrice ecclesie nostre concessisse et hac presenti carta nostra confirmasse Stephano de Godewynston[] quandam terram nostram cum edificiis et omnibus pertinenciis libertatibus et aisiamentis suis jacentem in cimiterio sancti Michaelis supra montem Linc[] inter terram Willelmi Juuenis ex parte occidentali et terram quam Johannes Appelmanger et Cecilia uxor eius quondam uxor magistri Laurencii medici tenuerunt ex parte orientali Et abbuttat super murum Balii uersus aquilonem et super cimiterium predicte ecclesie sancti Michaelis uersus austrum Habendum et tenend predicto Stephano et heredibus suis et assignatis cuicunque et quibuscunque vendere dare legare uel assignare uoluerit exceptis viris religiosis et Judeis libere quiete et pacifice imperpetuum Reddendo inde annuatim custodibus predicte fabrice octo denarios ad duos terminos scilicet quatuor denarios ad festum sancti Michaelis et quatuor denarios ad Pascha [] dominis feodi seruicium debitum et consuetum Et dictus Stephanus et heredes sui et assignati dictam terram propriis sumptibus edificabunt et edificia cum in eadem fuerunt constructa in bone statu imperpetuum sustentabunt et nullam inde facient destructionem uel vastum per quod redditus dicte terre aliquo modo possit retardari uel differi Et si contingat quod dictus Stephanus uel heredes suis uel assignati dictum redditum infra mensem post terminos supra nominatas moniti non soluerint seu aliquam destructionem uel vastum aliquo tempore in dicta terra facerint tenore presentium concessit pro se et heredibus suis et assignatis quod ex tunc nullum ius uel clamium in dicta terra seu in aliqua eius parte ratione alicuius carte uel feoffamenti quam inde habent aliquo modo potuerint habere exigere uel vendicare set licebit custodibus predicte fabrice qui pro tempore fuerint eandem terram ingredi et de ea prout uoluerint et melius uiderint expedire disponere et ordinare ac dictum Stephanum et heredes suos et assignatos omnino eicere absque aliqua contradiccione uel calumpnia dicti Stephani uel heredum suorum seu assignatorum Ad omnia uero prescripta fideliter in omnibus sui particulis tenend et obseruanda predictus Stephanus pro se et heredibus suis et assignatis tactis sacrosanctis ewangeliis in capitulo nostro Linc[] corporale prestit sacramentum In cuius rei robur et testimonium in modum cirograffi confectum penes custodes fabrice sigillo dicto Stephani residet sigillatum retenta altera parte penes dictum Stephanum sigilli capituli nostri munimine roboratum Hiis testibus Rogero filio Benedicti tunc maiore Linc[] Alano retro castrum et Petro de Thornhawe tunc ballivis ciuitatis Gilberto de Hesel Willelmo iuuene Roberto speciario Johanne applemangher Rogero pistore