Charter Document - 02802535

Omnibus sancte matris ecclesie filiis presentibus et futuris Johannes decanus et capitulum Lincoln[] ecclesie salutem in domino Nouerit vniuersitas vestra nos dedisse concessisse et hac presenti carta nostra confirmasse magistro Jordano de Linc[] filio Alexandri clerico et heredibus suis uel assignatis totum fundum nostrum cum edificiis et eisiamentis eorundem que habuimus ex dono domini Egidii le Rus quondam archidiaconi Norhampton[] prope ecclesiam Omnium Sanctorum in Ballio Linc[] ex parte orientali Tenendum et habendum sibi et heredibus suis uel assignatis libere quiete et pacifice imperpetuum Reddendo inde nobis annuatim viginti solidos ad duos anni terminos videlicet medietatem ad Pascha et aliam medietatem in festo sancti Michaelis et capitalibus dominis eiusdem tenementi seruicium debitum et consuetum pro omni seruicio seculari et demanda Memoratus quoque Jordanus et heredes sui et assignati predicta edificia preparabunt et in bono statu sustentabunt nec inde aliquid nisi ob eorum melioracionem amouebunt ac redditum nobis debitum terminis suprascriptis sub pena duorum solidorum nobis soluendorum persoluent cohercione nobis tam super firma quam pena si fuerit commissa in perpetuum reseruata Hoc eciam in presenti nostra concessione adiecto quod quam cicius dictus Jordanus heredes sui uel assignati in solucione redditus predicti terminis suprascriptis cessauerint et nobis de eodem infra mensem postquam fuerint interpellati non satisfecerint liceat nobis dictum tenementum ingredi ac de eodem absque aliquo impedimento dicti Jordani heredum suorum uel assignatorum pro uoluntate nostra disponere et ordinare Ita quod idem Jordanus heredes sui uel assignati occasione presentis concessionis nichil iuris in eodem tenemento sibi poterunt ex tunc vendicare In cuius rei robur et testimonium presens scriptum in modum cirograffi confectum cuius quidem partem dicto magistro Jordano sigillo capituli nostri tradidimus consignatam retenta nobis altera parte de uerbo ad uerbum eiusdem Jordani sigillo signata Hiis testibus domino Galfrido de Thame tunc precentore Linc[] ecclesie magistris Johanne Romano tunc cancellario Ricardo de la Bataile tunc thesaurario Johanne de Hundel tunc subdecano domino Johanne de Widington[] canonico eiusdem ecclesie Rogero filio Benedicti tunc maiore Linc[] Waltero Bek[] tunc constabulario Castr[] Linc[] Symone de Tresk[] tunc magistro operis matricis ecclesie Jordano le mercer Ricardo de Stowe Johanne de Banbyr[] tunc clerico capituli Linc[] ecclesie