utl logo
UTL Home | Ethiopia Images | Central and Inner Asia Studies

Charter Document - 02963774

Charter Number: 02963774
Cartulary Title: The Cartulary of Oseney Abbey
Charter Language: Latin
Charter Origin: Religious
Charter Type(s): Grant
Date: 1302
Date Type: Internal, A.D., Regnal, Feast

map View Map
Charter:
Uniuersis pateat per presentes quod cum inter religiosos uiros abbatem et conuentum Oseneye ex parte una et abbatem et conuentum de Butlesdene ex altera super quadam pastura inter Dodeford et Gorhale que uocatur Horsemor videlicet super iure et tempore communicandi in eadem controuersia mota esset et lis inde inter eos in curia domini regis pendebat tandem interuenientibus amicis communibus pax inter partes predictas in forma subscripta extitit reformata uidelicet quod predictus abbas de Butlesdene in cuius solo pastura predicta consistit pro se et ecclesia sua et successoribus suis domus predicte concessit quod dictus abbas de Oseneye et successores sui in perpetuum communicare possint in pastura predicta de Horsemor cum omnimodis aueriis suis propriis que sunt de manerio suo de Stowe et cum omnimodis aueriis tenencium predictorum abbatis et conuentus et successorum suorum in Dodeford singulis annis in forma subscripta videlicet die sancte Margarete Virginis cum omnimodis aueriis supradictis predictam pasturam primo intrare et sic ibidem ad voluntatem suam communicare usque ad festum Annunciacionis beate Marie quod est in Marcio cum libero introitu et exitu ad predictam pasturam sine aliqua contradiccione vel calumpnia predictorum abbatis et conuentus de Butlesdene et successorum suorum in perpetuum ita scilicet quod tenentes dictorum abbatis et conuentus de Oseneye in Stowe nichil iuris in communa pasture predicte racione huius facti sibi valeant vendicare Memorati autem abbas et conuentus de Oseneye pro se et successoribus suis concesserunt quod ante predictum festum sancte Margarete dictam pasturam ad communicandum cum predictis aueriis non intrabunt nec post festum Annunciacionis supradictum quicquam iuris clamabunt in eadem usque ad festum sancte Margarete annuatim reuolutum Et ad [] Dat[um] die Iouis proxima ante festum sancti Dunstani anno domini mccc secundo anno regni regis Edwardi filii regis Henrici tricesimo
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter