utl logo
UTL Home | Ethiopia Images | Central and Inner Asia Studies

Charter Document - 02969809

Charter Number: 02969809
Cartulary Title: The Cartulary of Oseney Abbey
Charter Language: Latin
Charter Origin: Religious
Charter Type(s): Verdict
Date: 1250
Date Type: Internal, A.D., Feast

map View Map
Charter:
Uniuersis sancte matris ecclesie filiis presens scriptum uisuris uel audituris magister Robertus de Maresc Officialis domini Lincoln Iohannes dictus Nobilis iuris ciuilis professor Willelmus de Ludelauue canonicus Herefordensis et Ricardus de Thornhauue canonicus Abedernensis salutem in domino Nouerit uniuersitas uestra quod cum de consensu parcium electi essemus compromissarii in negocio quod uertebatur inter dominos abbatem et conuentum de Oseneya ex parte una et magistrum Adam de Bukefelde rectorem ecclesie de Euera ex altera super possessione duarum parcium decimarum proueniencium de antiquo dominico curie de Euere secundum quod in compromisso continetur et datus esset dies ad precise denunciandum in negocio antedicto partibus legittime comparentibus recitatis in iudicio attestacionibus testium super eadem possessione productorum et eciam deposicionibus super finibus et limitacionibus quatuor culturarum antiqua dominica continencium distinctis et limitatis per inquisicionem auctoritate nostra per ordinarium loci aliis fide dignis sibi associatis factam scilicet unius culture que uocatur le Hay que secundum inquisicionem predictam incipit a gardino curie et extendit se in longitudinem usque ad terram Kaue in latere orientali et circa medium ad terram que fuit Gileberti filii Gilberti et ad Brinkewellehulle et in latere orientali extendit se ad Scoteslade iuxta uiam in latitudine autem extendit se le Hay a uia que uocatur Rugeway usque ad Kitenay et ad pratum Kawe item alterius culture que uocatur Hiuiland que incipit a parte aquilonari ab illa terra que uocatur Tunmannesdon et extendit se in longitudine uersus austrum ex parte orientali usque ad terram que uocatur Maldesgraue et circa medium extendit se usque ad buttos et Haggedel in latitudine autem extendit se Hywelond a quodam fossato ex parte occidentali que uocatur Merchegge usque ad Codebruch ex parte orientis item tercie culture que uocatur Stonhull que incipit [ex parte] aquilonari a quadam terra que uocatur Acremandon et extendit uersus austrum ad le Frithegge et ad Medfurlong in latitudine autem extendit se Stonhulle ab Holewelleslade ex parte occidentis usque ad terram Willelmi Maheu ex parte orientis item quarte culture que uocatur Medforlong que incipit a parte aquilonari a cultura que uocatur Stonhulle et extendit se uersus austrum usque ad Schetemede et incipit Medfurlong ex parte occidentis ab Holwellesiche et extendit se uersus orientem usque Merchegge Nos deum habentes pre oculis cogitatis dicti negocii meritis pro possessione dictorum abbatis et conuentus quoad duas partes decimarum garbarum proueniencium de predictis quatuor culturis in quibus consistit uetus dominicum quam quidem possessionem habuerunt dicti abbas et conuentus ante tempus domini Gregorii de Crescencio quondam rectoris ecclesie de Euere secundum quod coram nobis et per testes quorum deposiciones sub sigillis nostris penes ipsas partes resident consignate et per instrumenta liquido est probatum sentencialiter pronunciamus decernentes dictis abbati et conuentui restitucionem faciendam a dicto rectore quoad duas partes decimarum garbarum proueniencium de predictis quatuor culturis secundum quod in forma compromissi continetur nulla facta inmutacione circa minutas decimas per presentis arbitrii pronuntiacionem In cuius rei testimonium huic instrumento signa nostra apposuimus Datum apud Oseneyam in crastino sancti Iohannis ante Portam Latinam anno gracie mcc quinquagesimo
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter