utl logo
UTL Home | Ethiopia Images | Central and Inner Asia Studies

Charter Document - 03150252

Charter Number: 03150252
Cartulary Title: Exeter 1186-1257 Volume 12
Charter Language: Latin
Charter Origin: Religious
Charter Type(s): Confirmation
Date: 1231 - 1232
Date Type: Assigned
Resource Link(s): Embedded Document Reference Document for this Embedded Document
map View Map
Charter:
Omnibus Cristi fidelibus has litteras visuris vel audituris W miseratione divina Exoniensis ecclesie minister humilis eternam in domino salutem Cartam venerabilis fratris H quondam Exoniensis episcopi inspeximus sub hac forma [] Hanc igitur cartam auctoritate episcopali confirmamus adicientes ut si contigerit enorme delictum Exoniensi ecclesie vel capitulo vel alicui de ecclesia a civibus Exoniensibus irrogari possit libere auctoritate nostra imperpetuum valitura delictum canonice punire excommunicando vel civitatem interdicto supponendo vel aliis modis legitimis secundum quod eidem visum fuerit expedire Quam quidem penam nullus alius sine auctoritate nostra poterit relaxare Volentes et statuentes expressius ut predicti capellani et clerici sive convenient sive conveniantur eorundem cause iudicio decani et capituli tractentur et terminentur exceptis causis contingentibus eos qui sunt de propria familia nostra vel successorum nostrorum Volumus etiam et ordinamus ut nullus Exoniensis ecclesie canonicus in archidiaconatu vel aliqua alia dignitate constitutus dictam penam possit relaxare salva nobis et successoribus nostris in dignitate episcopali et auctoritate predictis tamen omnibus in suo imperpetuum duraturis Quod ne tractu temporis revocetur in presenti scripto et sigilli nostri appositione confirmavimus Hiis testibus magistro R de Wynkelegh tunc decano Exoniensis ecclesie domino W de Ralegh thesaurario magistro A de Sancta Brigida precentore magistro R Albo cancellario magistro L archidiacono de Sureya archidiacono Tanton domino Th archidiacono Totton magistro I Rof magistro M de Buketon domino R de Limesya domino E canonico domino S de Longo Campo domino A canonico et multis aliis
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter