utl logo
UTL Home | Ethiopia Images | Central and Inner Asia Studies

Charter Document - 03150256

Charter Number: 03150256
Cartulary Title: Exeter 1186-1257 Volume 12
Charter Language: Latin
Charter Origin: Religious
Charter Type(s): Appropriation
Date: 1241 - 1242
Date Type: Internal, Episcopal

map View Map
Charter:
Omnibus Cristi fidelibus ad quos littere presentes pervenerint Willelmus miseratione divina Exoniensis episcopus eternam in domino salutem Noverit universitas vestra nos consideratis tenuitate proventuum thesaurarie ecclesie nostre Exoniensis et onere quod eidem ad sustentationem luminis in ecclesia Exoniensi penitus incumbit de consensu et assensu capituli nostri Exoniensis concessisse thesaurarie predicte ecclesie nostre Exoniensis ad sustentationem luminis maxime in festo dedicationis ecclesie nostre Exoniensis sicut in die natalis domini et in commemoratione necnon et in conversione beati Pauli sicut in die circumcisionis domini ecclesiam sancti Probi in Cornubia in proprios usus perpetuo sine omni cura animarum habendam et possidendam cum collatione prebendarum et omnibus aliis pertinentiis de qua quidem ecclesia dicta thesauraria duos aureos annuos percepit ordinato vicario in dicta ecclesia sancti Probi nobis et successoribus nostris a thesaurario qui pro tempore fuerit presentando qui omnem curam animarum habebit et omnia onera dictam ecclesiam contingentia sustinebit reservata nobis vel alicui ex successoribus nostris qui pro tempore fuerit dicte vicarie taxatione Volumus etiam et statuimus ut liceat thesaurario qui pro tempore fuerit libere et quiete auctoritate presentium dictam ecclesiam sancti Probi nobis aut successoribus nostris irrequisitus ingredi et prebendas conferre cum easdem vacare contigerit In cuius rei testimonium presenti scripto sigillum nostrum unacum sigillo capituli nostri apponi fecimus Dat Exon consecratione nostre anno decimo octavo
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter