Charter Document - 03150326
Charter Number: 03150326
Cartulary Title: Exeter 1186-1257 Volume 12
Charter Language: Latin
Charter Origin: Religious
Charter Type(s): Admission
Date: 1255 - 1256
Date Type: Internal, A.D., Episcopal
View Map
Cartulary Title: Exeter 1186-1257 Volume 12
Charter Language: Latin
Charter Origin: Religious
Charter Type(s): Admission
Date: 1255 - 1256
Date Type: Internal, A.D., Episcopal
View Map
Charter:
Universis Cristi fidelibus ad quos presens scriptum pervenerit R miseratione divina Exoniensis ecclesie minister humilis salutem in domino sempitemam Noverit universitas vestra quod ad presentationem Isabelle de Brente priorisse et conventus de Polslow dilectum filium Ricardum capellanum de Womgwyll ad vicariam ecclesie de Holbogaton caritatis intuitu admisimus et eiusdem ecclesie vicariam de consensu predictarum filiarum sub hac forma ordinavimus quod vicarius predicte ecclesie habebit nomine vicarie altalagium eiusdem ecclesie cum pomis feno obventionibus et omnibus aliis pertinentiis tam capellarum quam matricis ecclesie excepto feno domini Iohannis de Albamora Habebit etiam domum quam Alanus Durant aliquando tenuit una cum orto adiacente et domum proximam ex parte aquilonis et ortum pertinentem et terram adiacentem proximam retro ortos predictos se extendentem versus occidens iuxta gardinum usque ad novam fossam et per eandem usque ad angulum aquilonarem eiusdem et ab eodem angulo linialiter versus orientem usque ad viam regiam et per eandem viam [et] versus meridiem usque ad viam tendentem versus predictas domos per eandem usque ad secundum ortum Supradicta vero omnia habebit antedictus Ricardus quoad vixerit et vicarii post ipsum qui pro tempore fuerint de nostra ordinatione et gratia speciali una cum consensu antedictorum priorisse et sanctimonialium salvis nobis et successoribus nostris iure et dignitate speciali in omnibus Et si contingat fieri novos ortos ubi maiores decime solebant percipi de illorum ortorum decimis nichil dicte vicarie accrescat Et sic remanebunt contenti vicaria per nos taxata ita quod imposterum nichil amplius exigere possint imperpetuum Sustinebit idem vicarius et successores sui omnia onera ordinaria debita et consueta extraordinaria vero pro rata portionis sibi assignate idem vicarius et successores sui respondebunt Ut hec predicta nostra ordinatio perpetuam obtineat firmitatem roboris eandem nostra auctoritate confirmavimus et presens scriptum sigillo predicti conventus signatum et impressione sigilli nostri corroboravimus Dat anno domini MCCLVI consecrationis nostre anno xi
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
