Charter Document - 03160117

Universis sancte matris ecclesie filiis Walterus dei gratia Wygorn episcopus eternam in domino salutem Ad universitatis vestre notitiam volumus pervenire quod cum dilecti in Cristo filii prior et conventus Lanthon iuxta Glouc qui ecclesiam beati Audoeni Glouc cum suis capellis in usibus optinent propriis ad vicariam ipsius ecclesie et capellarum ad eandem pertinentium minime taxatam Robertum de Froma clericum suum nobis presentassent iidem prior et conventus provida deliberatione una cum discretione magistri Walteri Scamel tunc officialis nostri examinantis vires et facultates dicte ecclesie cum capellis quem ad hoc specialiter deputavimus ad perpetuam existentiam vicarii memorate predicto Roberto et successoribus suis pro rationabili sustentatione portiones subscriptas assignarunt Videlicet minutas decimas altelagii ecclesie sancti Audoeni et alias obventiones que estimantur communibus annis quinque marce et dimidia cum manso in quo habitabat Gilbertus capellanus qui quondam dicte ecclesie deserviebat et terram arabilem Item minutas decimas altelagii capelle de Elmor et alias obventiones exceptas decimas de dominico eiusdem ville que estimantur communibus annis quinque marce et eo amplius quibus adiciunt predicti prior et conventus mansum in quo habitabat capellanus qui dicte capelle quondam deserviebat et terram arabilem cum pertinentiis que quolibet anno potest poni ad firmam pro quatuor solidis et octo denariis Item adiciunt eisdem omnes decimas feni de vilenagio eiusdem ville et valent communibus annis viginti solidos et eo amplius Item minutas decimas altelagii capelle de Quedesley et Wlfrichesyrop et obventiones que estimantur communibus annis quatuor marce et eo amplius cum manso in quo habitabat capellanus qui dicte capelle deserviebat quibus adiciunt dicti prior et conventus quatuor acras terre in villa de Quedesll et omnes decimas provenientes de tribus virgatis terre et de quarta parte unius in Wlfrichesyrop tam in feno quam in garba quas quidem virgatas tenent Walterus Longus Reynerus Rogerus de Fonte Rogerus de Wlfrichesyrop Robertus et Walterus de Crasl Dawue Ricardus Le Fox Iuliana Crulle Adiciunt etiam omnes decimas feni de vilenagio suo in Quidesl que valent communibus annis quatuor solidos et eo amplius et est estimatio decimarum predictarum virgatarum terre excepta quarta parte virgate viginti et unum solidos et est estimatio predicte quarte predictis singulis annis viginti et octo denarii Item minutas decimas et obventiones altelagii capelle de Herhamstede que estimantur communibus annis sexaginta solidi et eo amplius cum manso et curtilagio et gardino ad ipsam capellam pertinentibus quod gardinum est ampliorum et bene fructuosum Item adiciunt eisdem omnes decimas provenientes de tribus virgatis terre in eadem villa tam in feno quam in garba quas tenent in Herhamstede Adam Kyneman Idonia iuxta Emnonegravie Isabella Lovota Rogerus Keys Alicia Dake Willelmus Bodeham Idonia quarum quidem una uniuscuiusque virgatarum per se sumpta valet decima in communibus annis septem solidos et eo amplius Quam vero portionum assignationem prout rite facta est approbantes ordinavimus quod dictus Robertus et successores sui quantum attinet ad dictam vicariam eisdem portionibus sint contenti omnia onera ordinaria sustentari Ita etiam quod totum residuum in decimis et aliis obventionibus dictam ecclesiam et capellas contingens omni amoto demollitrare memoratis priori et conventui nomine personatus plene pacifice et integre inperpetuum remaneat Et ut super premissis omnibus et singulis futuris temporibus cuiuscumque contentionis amputetur materia presentem paginam sigilli nostri appositione munitam episcopali duximus auctoritate roborandum Valeat universitas vestra semper in domino