utl logo
UTL Home | Ethiopia Images | Central and Inner Asia Studies

Charter Document - 03169049

Charter Number: 03169049
Cartulary Title: Worcester 1218-1268 Volume 13
Charter Language: Latin
Charter Origin: Religious
Charter Type(s): Annexation
Date: 1261
Date Type: Internal, A.D.
Resource Link(s): Reference Document for this Embedded Document
map View Map
Charter:
Excellentissimo patri ac domino Alexandro divina providentia summo pontifici Bonifacius dei gratia Cant archiepiscopus totius Anglie primas pedum oscula beatorum Noverit vestre sanctitatis excellentia quod cum ad diocesim Coventrens et Lich causa visitationis faciende declinasseram inter monasteria et alias ecclesias collegiatas eiusdem diocesis ecclesiam beate Marie Stafford anno domini MCC sexagesimo quinto kal octobris visitavi et in eadem visitationis officium exercens inveni quod episcopus Coventr et Lichf et archidiaconus Stafford qui pro tempore fuerint omnimodam iurisdictionem episcopalem et archidiaconalem in populum et plebem et in parochianos singulos dicte ecclesie et aliarum ecclesiarum seu capellarum eidem ecclesie subiectarum exercere libere consueverunt ab antiquo quodque decanus canonici et ministri predicte ecclesie iurisdictionem episcopalem et archidiaconalem in populum et plebem et parochianos suos usurpant non sine gravi periculo et scandalo plurimorum ac in ecclesie Coventrens et Lich preiudicium non modicum et gravamen Ut igitur que in eadem ecclesia corrigenda inveni per me reformarentur in melius habita super premissis deliberatione plena inhibitus districtius canonicis et ministris quos ibidem inveni sub pena excommunicationis ne decetero impedire presumerent quominus dicti episcopus et archidiaconus ac eorum successores iurisdictionem episcopalem et archidiaconalem in populum et plebem et parochianos prelibate ecclesie valeant exercere Sane ex parte Bogonis de Clare decani canonicorum et ministrorum eiusdem ecclesie coram me propositum extitit quod iidem privilegia exemptionis ab interdictione episcopali et archidiaconali quoad personas suas habebant a sede apostolica sibi dudum indulta propter quod super premissis plenius deliberare volens eisdem terminum peremptorium a die sancti Michaelis proximo futuro in unum mensem videlicet sexto kal Novembris ad exhibendum London coram me dicta privilegia si qua haberent ad instantiam venerabilis patris Rogeri dei gratia Coventrens et Lich episcopi et magistri Ricardi tunc archidiaconi Stafford assignavi decernendo quod si privilegia non exhibuerunt ut extunc procederetur contra eosdem prout de iure fuerit procedendum Partibus igitur coram me ipso comparentibus London sexto kal Novembris cum dicti decanus canonici et ministri privilegia que se proponebant non exhibuerunt eisdem ex habundanti iterato terminum peremptorium ad exhibendum privilegia si qua habuerent videlicet quarto idus Februarii legitime assignavi Quarto vero idus Februarii continuato cum duobus diebus sequentibus comparuerunt coram me Lambeth venerabilis frater Rogerus dei gratia Coventrens et Lich episcopus per procuratorem legitime constitutum et magister Ricardus tunc archidiaconus Stafford personaliter ex parte una Bogo de Clare decanus canonici et ministri ecclesie beate Marie Stafford per magistrum Adam de Fileby procuratorem eorundem legitime constitutum ex altera Cumque ex parte venerabilis patris Coventrens et Lich episcopi et archidiaconi Stafford coram me petitum esset instanter ut dicti decanus canonici et ministri privilegia exemptionis que se habere proponebant exhiberent procurator eorundem privilegia non exhibens appelavit sub hac forma Quia vos reverende pater Cant archiepiscope decanum et capitulum ecclesie beate a vestra et omni ordinaria iurisdictione penitus exemptos coram vobis fecistis ad iudicium evocari sue exemptionis privilegia exhibituros ac moneri fecistis eosdem ut iurisdictionem quam ex antiqua et approbata consuetudine in plebem et populum dicti decanatus obtinerent domino episcopo Coventrens et Lich et archidiacono Stafford liberarent et ipsos dicta iurisdictione libere uti permitterent qua quam iudicialiter non constiterit eandem iurisdictionem ad dictos episcopum et archidiaconum aliquatinus pertinere Ego Adam de Fileby subdecanus ecclesie predicte ac procurator dictorum decani et capituli sentiens dominos meos ex hoc indebite pregravari sedem apostolicam in scriptis appello et apostolos peto appello etiam sedem predictam pro me et dominis meis predictis ne vos aliquam sententiam excommunicationis aut suspensionis aut interdicti in nos vel ministros aut parochianos nostros monasterium nostrum aut oratorio sedis apostolice appellationi mee deferatis et mihi nomine dictorum dominorum meorum et parti adverse in curia summi pontificis diem assignetis Venerabili ergo fratri Coventrens et Lich episcopo et magistro Ricardo archidiacono Stafford predictam appellationem et supplicationem acceptantibus ad postulationem eorundem et partis adverse supplicationem ob reverentiam sedis apostolice eidem appellationi reverenter duxi deferendum presignendo partibus terminum peremptorium quo se vestre sanctitatis conspectui representent in crastino sancti Michaelis proximo futuro sufficienter instructe cum omnibus munimentis viribus et rationibus premissum negotium tangentibus parate in eodem negotio procedere prout vestre sanctitati usum fuerit expedire In premissorum autem testimonium has litteras meas sanctitati vestre transmitto Conservet vos altissimus ad regimen universalis ecclesie dei per tempora longissima Dat Lambeth quinto non Martii anno domini MCC sexagesimo
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter