Charter Document - 03180143

G[ilebertus] Dei gratia Lundoniensis episcopus archidiaconis personis et universis sancte matris ecclesie filiis per episcopatum Lundon[iensem] constitutis salutem gratiam et benedictionem Quoniam ea que viris religiosis per diocesim nostram tempore nostro canonice conferuntur nostra debent auctoritate muniri fraternitati vestre significamus quia dilectis filiis nostris priori et canonicis ecclesie sancte Trinitatis Lundonie episcopali auctoritate qua fungimur concedimus et confirmamus ecclesias et ecclesiastica beneficia que inpresentiarum per episcopatum nostrum dinoscuntur possidere inter que dignum duximus hec propriis exprimere vocabulis scilicet ecclesiam de Loefstaneschirche cum capello de Alsieswiche et cum aliis pertinentiis suis et ecclesiam de Brumfeld cum omnibus que ad eandem ecclesiam pertinent ecclesiam de Nutelege cum terris et decimis et omnibus aliis ad eandem ecclesiam pertinentibus ecclesiam sancti Botulfi cum omnibus pertinentiis suis ecclesiam etiam de Totteham et ecclesiam de Wlcumestoewe cum omnibus que ad easdem pertinere cognoscuntur ecclesias Ut autem hec omnia firmiter et inconvulse possideant scripti presentis attestatione et sigilli nostri appositione hec ipsa salua in omnibus episcopo Lundoniensi debita subiectione roborare curavimus Testibus Iohanne de Hospitali magistro Picardo de Storteford Ricardo de Saresbur[ia] Rogero filio Mauritii Henrico Banastr Ludowico Waltero elemosinario Radulfo de Chiltona clericis episcopi Roberto decano de Walde